Barcelona ende i ka borxh 20 mln euro Bayern-it, në total 160 mln euro për disa klube!

9 Tetor 2025 16:03 Telesport 20 mln euro. Kjo është shifra që Barcelona i detyrohet Bayern-it për transferimin e yllit Robert Lewandowski (2022). Polaku i ka kushtuar 45 mln euro klubit katalanas dhe deri tani Barcelona ka paguar vetëm 25 mln euro. Gazeta “Sport” raporton se Bayern ende po pret për këstin final të operacionit të bujshëm. Jo vetëm kaq. Barcelona gjithsej ka 160 mln euro borxh ndaj klubeve të tjera. Rasti më i dukshëm është me Leeds United. Barcelona i ka borxh 42 mln euro nga 58 mln eurot që ka kushtuar blerja e sulmuesit Raphinha.