SPAK sekuestron pasuritë e pronarit të “Monopol”, 7 apartamente në “Myslym Shyr”, Lamborghini dhe Rolls Royce

Prokuroria e Posaçme kundër Korrupsionit dhe Krimit të Organizuar, në zbatim të vendimit nr.622, datë 3.10.2025 të Gjykatës së Posaçme, lëshoi në po të njëjtën ditë, urdhërin për caktimin e masës “sekuestro preventive” mbi 3 subjekte tregtare, 7 apartamente, 6 njësi tregtare, 32 autovetura, mes të cilave një Lamborghini Urus dhe një Rolls Royce Cullinan dhe 52 llogari bankare, në pronësi të drejtpërdrejtë apo të tërthortë të personave nën hetim, në kuadër të procedimin penal nr.177 të vitit 2025. Vlera totale e pasurive të sekuestruara përllogaritet të jetë afërsisht 5 milionë euro. Subjektet tregtare për të cilat është vendosur “sekuestro preventive”: “Monopol sh.p.k”, me ortak të vetëm A.K. dhe administrator K.K. Subjekti është regjistruar më 26.05.2025, Rruga “Myslym Shyri”;“A. K. PF”, emër tregtar “Monopol Bar...