“Ra besimi te shteti”/ Salianji reagon për vrasjen e gjyqtarit Kalaja: Ish-ministrat të merren nën hetim, Koçiu të japë dorëheqjen

Demokrati Ervin Salianji ka reaguar pas publikimit të shkresave të KLGJ për çështjen e sigurisë nëpër gjykata dhe thotë se zinxhiri insitucional ka dështuar. “Pas publikimit të shkresave nga Këshilli i Lartë Gjyqësor, është e qartë se zinxhiri institucional që duhej të garantonte sigurinë e trupës gjyqësore ka dështuar.Ky dështim nuk është rastësor është pasojë e një qeverisjeje që prej vitesh ka shkatërruar themelet e shtetit të së drejtës.Ish-ministrat e Brendshëm duhet të merren menjëherë nën hetim për shpërdorim detyre, ndërsa ministrja aktuale e Brendshme duhet të japë dorëheqjen pa vonesë.Kjo është përgjegjësi ligjore dhe morale, në një vend ku siguria e gjyqtarëve po cenohet nga paaftësia dhe mungesa e vullnetit politik për të luftuar krimin.Qeveria ka lënë me vetëdije të pambrojtur gjyqtarët dhe prokurorët,...