Kthjellime dhe vranësira, moti për sot, si parashikohen temperaturat

Vendi ynë këtë të shtunë do të ndikohet nga kushte atmosferike të qëndrueshme. Moti parashikohet i kthjellët në pjesën më të madhe të territorit pa përjashtuar vranësirat mesatare dhe hera-herës deri të dendura kalimtare në relievet malore në lindje. Era do të fryjë me drejtim veriperëndim – verilindje me shpejtësi mesatare 10 m/s, ndërsa përgjatë vijës bregdetare e lugina era do të fitojë shpejtësi deri në 18 m/s. Valëzimi në detin Adriatik dhe Jon do të jetë i forcës 2-4 ballë.