“Frikë për luftë”, Seuli ngre alarmin: Koreja e Veriut është afër lëshimit të një rakete bërthamore për të goditur SHBA

Koreja e Veriut është në “fazën përfundimtare” të zhvillimit të një rakete balistike ndërkontinentale që mund të godasë Shtetet e Bashkuara me armë bërthamore, tha Presidenti i Koresë së Jugut Lee Jae-myung gjatë një vizite në Bursën e Nju Jorkut, sipas raportimeve të medias së Seulit.  “Si për të fituar ndikim në bisedimet me Shtetet e Bashkuara ashtu edhe për të forcuar regjimin e saj, Koreja e Veriut ka vazhduar të zhvillojë raketa balistike ndërkontinentale (ICBM) të afta për të transportuar armë bërthamore në Shtetet e Bashkuara”, vuri në dukje Lee.  Sipas Lee, Pheniani “nuk duket se ka pasur sukses ende, por thuhet se është në fazën përfundimtare”.  Seuli dhe aleatët e tij perëndimorë nuk kanë arritur të ndalojnë programin e armëve të Koresë së Veriut, ndërsa udhëheqësi Kim Jong-un ka siguruar se nuk...