Egjipt/ Byzylyku prej ari nga epoka e faraonëve vidhet dhe përfundon në një fonderi, katër të arrestuar

Katër persona janë arrestuar, përfshirë një konservues të antikiteteve në Muzeun e Kajros, për vjedhjen e një bizhuterie me vlerë nga epoka e faraonëve që u shit për 3,400 euro dhe përfundimisht përfundoi në një fonderi, thanë autoritetet egjiptiane të martën. Byzylyku ​​i artë, i zbukuruar me një rruazë lapis lazuli, daton që nga mbretërimi i Amenemhepit, faraonit të Dinastisë së 21-të (1070-945 p.e.s.). Ai ishte zhdukur nga një kasafortë në punishten e restaurimit të antikiteteve të Muzeut të Kajros, sipas Ministrisë së Kulturës. Mediat egjiptiane raportuan se xhevahiri ishte përfshirë në një listë antikitetesh që do të udhëtonin për në Romë në tetor për t’u ekspozuar si pjesë e eventit “Thesaret e Faraonëve”. Hetimi zbuloi se byzylyku ​​i çmuar ishte vjedhur nga muzeu, ishte...