Hakerët rusë shënjestrojnë spitalet polake dhe furnizimin me ujë të qyteteve

Qeveria polake po rrit buxhetin për sigurinë kibernetike në një nivel rekord prej 1 miliard € këtë vit, pasi tentativa sabotazhi nga Rusia kanë shënjestruar spitalet dhe furnizimin urban me ujë. Dariusz Standerski, zëvendësministër për çështjet digjitale, i tha Financial Times se Polonia po përballet çdo ditë me 20 deri në 50 tentativa për të dëmtuar infrastrukturën kritike, shumica e të cilave parandalohen. Megjithatë, disa sulme kibernetike, "kryesisht" kundër spitaleve, kanë qenë të suksesshme, tha ai, duke theksuar se dy ose tre shkelje sigurie kanë detyruar institucionet shëndetësore të ndërpresin punën për disa orë. Hakerët gjithashtu kanë arritur të marrin të dhëna mjekësore, shtoi ai. Projektbuxheti më i fundit do ta rrisë buxhetin për sigurinë kibernetike këtë vit në 1 miliard €, nga 600 milionë...