Tritol në një hotel në Durrës, reagon Policia

Policia e Durrësit ka dhënë informacion zyrtar në lidhje me lëndën shpërthyese që u gjet në një hotel jashtë funksionit. Sipas policisë, bëhet fjalë për një sasi lënde plasëse artizanale, e cila u gjet në një nga vazot e luleve të hotelit që ndodhet në lagjen nr.1 të qytetit. Grupi hetimor, në bashkëpunim me Njësinë Antieksploziv të RENEA-s, po kryen veprimet për sqarimin e rrethanave, përcaktimin e llojit të lëndës së gjetur, si dhe identifikimin dhe kapjen e autorit.