Amerikanët e kanë pranuar para meje se Rama është autokrat dhe vendi ndodhet nën autokraci

Deputeti i zgjedhur demokrat Besart Xhaferri tregoi me detaje disa nga pikat e strategjisë që opozita e krijuar nga zgjedhjet e 11 majit do të ndjekë me nisjen e jetës parlamentare më 12 shtator.Teksa sulmoi kryeministrin Rama për situatën në vend, Xhaferri shtoi se opozita gjithashtu do të rrisë presionin si nga faktorët e brendshëm ashtu edhe nga ai i jashtëm.“Në strategjinë makro që opozita duhet të bëjë është reformimi i situatës, kushtetutës, shtetit. Ndodhemi për fajet tona që i dhamë parlamentin në 2019 dhe e çoi më tej autokracinë. Prej 2019 nuk jemi një republikë parlamentare, por kryeministrore. Parlamenti që duhet të ndalonte ekzekutivin nuk është prej 2019. Ne duhet të mobilizojmë një opozitë ndryshe, të bashkuar. Duhet një reformë elektorale, territoriale…Nuk do të...