Promovim turistik me temë Rrugën e Mëndafshit

Një aktivitet promovues turistik që nxori në pah Korridorin Hexi, një arterie kyçe e Rrugës së lashtë të Mëndafshit, u mbajt në Shangai ,duke tërhequr diplomatë, sipërmarrës dhe përfaqësues nga organizatat ndërkombëtare për të eksploruar historinë mijëvjeçare të korridorit dhe për të diskutuar mundësitë për bashkëpunim, shkruan Xinhua. I shtrirë gati 1,000 km përgjatë Provincës Gansu të Kinës veriperëndimore, Korridori Hexi është shtëpia e pesë vendeve të Trashëgimisë Botërore të UNESCO-s dhe më shumë se 50 shpellave, dhe është një destinacion i rëndësishëm për udhëtarët që eksplorojnë Rrugën e Mëndafshit. Aktiviteti paraqiti një ekspozitë fotografike, si dhe shfaqje të trashëgimisë kulturore jomateriale dhe produkteve lokale nga Korridori Hexi. Përfaqësues nga qytetet përgjatë korridorit, përfshirë Zhangye dhe Jiuquan, prezantuan ofertat e tyre kulturore dhe turistike.