Helmoi për vdekje familjarët e ish-bashkëshortit me kërpudha, shpallet përfundimisht fajtore gruaja në Australi

Erin Patterson, gruaja australiane që helmoi vdekjeprurshëm tre të afërm të saj gjatë një dreke me mish viçi Wellington me kërpudha, pritet të dënohet të hënën në mëngjes, pasi u shpall fajtore për tre akuza për vrasje dhe një për tentativë vrasjeje.  Juria prej 12 anëtarësh arriti në vendim në korrik 2025 pas një gjyqi 10-javor dhe rreth gjashtë ditësh shqyrtimi. Rasti mori përmasa ndërkombëtare, duke u pasqyruar gjerësisht në media dhe duke u bërë subjekt i katër podkasteve investigative. Ngjarja ndodhi më 29 korrik 2023 në Leongatha, Victoria, ku Patterson organizoi një drekë për pesë persona, përfshirë prindërit e ish-bashkëshortit të saj, tezen dhe xhaxhain e tij. Vetëm njëri prej tyre, pastori Ian Wilkinson, mbijetoi pas dy muajsh trajtim intensiv në spital. Viktimat –...