Merz: Putin është një kriminel lufte, duhet trajtuar si i tillë

Kancelari gjerman Friedrich Merz ka lëshuar akuza të forta ndaj presidentit rus Vladimir Putin, për shkak të agresionit në Ukrainë. “Ai është një kriminel lufte. Ndoshta krimineli më i keq i luftës i kohës sonë, të cilin mund ta shohim në shkallë të gjerë”, deklaroi Merz në një intervistë për televizionin gjerman Sat.1. Sipas tij, Perëndimi duhet të mbajë një qëndrim të prerë ndaj Moskës: “Duhet të jemi të qartë se si i trajtojmë kriminelët e luftës. Në këtë kontekst, çdo butësi është e pavend”, theksoi kancelari gjerman.