Kancelari gjerman përgatitet për luftë të gjatë në Ukrainë

Kancelari gjerman Friedrich Merz tha se po përgatitet mendërisht për një luftë të gjatë në Ukrainë, por nuk pranoi të përgjigjej nëse Berlini do të vendosë trupa paqeruajtëse pas armëpushimit. Në një intervistë televizive të dielën, ai tha gjithashtu se nëse nuk do të kishte vendosur të ndryshonte rregullat e borxhit të Gjermanisë për t’i lejuar asaj të investonte masivisht në mbrojtje, aleanca e NATO-s ndoshta do të ishte shpërbërë në qershor. “Po e përgatis veten mendërisht për faktin se kjo luftë mund të zgjatet për një kohë të gjatë”, i tha ai ZDF-së kur u pyet nëse shpresonte që një armëpushim mund të arrihej së shpejti. “Po përpiqemi ta përfundojmë sa më shpejt të jetë e mundur, por sigurisht jo me çmimin e kapitullimit...