“Perëndimi shkaktoi konfliktin në Ukrainë”, Putin: Mirëkuptimi me SHBA-në i arritur në Alaskë hap rrugën për paqe

Presidenti rus Vladimir Putin, duke folur në një samit të organizuar nga Pekini në Tianjin të Kinës, mbrojti sulmin e tij ndaj Ukrainës të martën, duke fajësuar përsëri Perëndimin për shkaktimin e konfliktit. “Kjo krizë nuk shpërtheu nga sulmi i Rusisë ndaj Ukrainës, por është rezultat i një grushti shteti në Ukrainë, i cili u mbështet dhe u provokua nga Perëndimi”, tha Putin gjatë një samiti të Organizatës së Bashkëpunimit të Shangait. Deklarata i referohet lëvizjes pro-evropiane Maidan në Ukrainë, e cila e detyroi presidentin pro-rus të vendit të largohej nga pushteti në vitin 2014. Moska më pas kishte aneksuar gadishullin e Krimesë dhe kishte mbështetur separatistët pro-rusë në Ukrainën lindore, duke shkaktuar një luftë civile. “Shkaku i dytë i krizës janë përpjekjet e vazhdueshme të Perëndimit për ta tërhequr...