EMRI/ I shumëkërkuari për prostitucion në Shqipëri, lëviz lirshëm në rrugët e Britanisë

Gezim Troka, 50 vjeç, u dënua me gjashtë vite burg në vitin 2008, pasi një gjykatë shqiptare e shpalli fajtor në mungesë për detyrimin e partneres së tij në prostitucion. Megjithëse ishte subjekt i një urdhri ndërkombëtar arresti, Troka hyri në Mbretërinë e Bashkuar me një pasaportë të falsifikuar dhe ra në kontakt me autoritetet britanike vetëm një dekadë më vonë, kur u dënua për një sulm të zakonshëm fizik. Gjatë kohës që po mbahej në paraburgim për çështje emigracioni dhe priste deportimin, autoritetet britanike zbuluan se ai ishte një i arratisur i kërkuar ndërkombëtarisht dhe miratuan kërkesën e Shqipërisë për ekstradim. Edhe pse apeli i parë i Trokës ndaj ekstradimit u refuzua, ai arriti ta çonte çështjen deri në Gjykatën e Lartë, e cila...