Aksident në Lezhë–Milot, tre të plagosur dërgohen në Spitalin e Traumës

Një aksident i rëndë rrugor është shënuar mbrëmjen e së dielës në aksin Lezhë–Milot, ku dy automjete janë përplasur me njëra-tjetrën, duke shkaktuar tre të plagosur. Ngjarja ndodhi rreth orës 19:40, ku automjeti me drejtuesin me inicialet R. D. u përplas me një tjetër mjet që drejtohej nga personi tjetër me inicialet F. P. Si pasojë e përplasjes, kanë mbetur të dëmtuar të dy drejtuesit e mjeteve si dhe shtetasi me inicialet M. V., pasagjer në automjetin e drejtuar nga R. D. Të plagosurit janë transportuar me urgjencë drejt Spitalit të Traumës në Tiranë, ku po marrin ndihmën e nevojshme mjekësore. Policia ka mbërritur menjëherë në vendngjarje, ndërsa grupi hetimor po punon për të zbardhur shkaqet e aksidentit dhe për të përcaktuar përgjegjësitë përkatëse. Autoritetet...