Moska nuk tërhiqet! Rusia zotohet të vazhdojë luftën në Ukrainë pavarësisht përpjekjeve për paqe nga Europa dhe SHBA

Rusia ka bërë të qartë se nuk ka ndërmend të ndalë ofensivën e saj në Ukrainë, pavarësisht përpjekjeve nga Evropa, SHBA-të dhe vetë Kievi për ta ulur Moskën në tryezën e negociatave. Zëdhënësi i Kremlinit, Dmitry Peskov, në një deklaratë për mediat, tha se Moska mbetet e hapur për një zgjidhje politike dhe diplomatike, por sipas tij, mungon “reciprociteti nga ana e Ukrainës”. “Jemi të gatshëm ta zgjidhim problemin me mjete politike dhe diplomatike. Por deri më tani nuk shohim reciprocitet nga Kievi në këtë drejtim. Kështu që ne do të vazhdojmë operacionin ushtarak special,” shtoi ai. Megjithëse Moska insiston se është e hapur për dialog, ekspertët ndërkombëtarë thonë se këto janë lëvizje simbolike për të ruajtur mbështetjen nga aleatë të mundshëm, si ish-presidenti amerikan...