Aksident tragjik në Peqin, makina del nga rruga, humbin jetën dy të rinj

Dy djem të rinj kanë humbur jetën në një aksident tragjik që ka ndodhur në orët e para të mëngjesit të sotëm në hyrje të qytetit të Peqinit. Mësohet se automjeti me të cilin udhëtoni dy të rinjtë doli nga rruga dhe u përplas me shkallët e një shtëpie. Si pasojë e përplasjes së fortë, mbetën të vdekur dy të rinj, të dy 24 vjeç. Identiteti i tyre për momentin nuk dihet ende. Aksidenti ka ndodhur pas mesnate, ndërsa shkaqet nuk dihen. Grupi hetimor i policisë ka nisur punën për zbardhjen e rrethanave.