Lirimi i Jorgo Goros/ Çfarë ndodhi dhe çfarë dënimi mund ta rikthejë në burg

Në mesin e muajit Gusht, ish-kryebashkiaku i Himarës, Jorgo Goro, doli nga ambjentet e burgut, pasi përfundoi dënimin e parë me 2 vjet e 20 ditë burgim, lidhur me çështjen e tjetërsimit të pronave në Dhërmi përmes dokumentave të falsifikuara, ku përfitues fundor i tokës ishte Artan Gaçi, bashkëshorti i deputetes së PS, Olta Xhaçka. Goro, doli nga qelia duke u kthyer i lirë në Himarë, por një vendim tjetër dënimi i shkon nga pas, duke u bërë shkak që ish-funksionari i Partisë Socialiste në Himarë, mund të rikthehet përsëri në burg. Një dënim me 1 vit e 4 muaj burgim, vijon të qëndrojë mbi “kokën” e Jorgo Goros, që nëse do lihet në fuqi dhe në Gjykatën e Apelit të Posaçëm, e çon automatikisht...