Tirana dhe Durrësi përfshihen nga stuhia/ Pezullohet lundrimi i anijeve, avionët ulen me shpejtësi…

Tirana është goditur nga stuhia tropikale që u paralajmërua nga meteorologoët. Erë e fortë dhe rreshje shiu ishin të pranishme në kryeqytet, duke bërë që objektet e ndodhura në ambientet e jashtme të rrëzohen. Po ashtu dhe Durrësi është përfshirë nga stuhia e erës dhe reshjet e dendura të shiut. Kjo situatë ka sjellë dhe vështirësi në qarkullimin e automjeteve në qytetin bregdetar. Lundrimi i anijeve të vogla është pezulluar përkohësisht. Ndërsa qytetarët kanë raportuar  se 7 avionë janë ulur njëri pas tjetrit, një pamje e pazakontë që tregon se moti do të jetë shumë i keq sot.