“Rusia po e përdor kohën për sulme të reja”, Zelensky: Masa e ashpra janë e vetmja mënyrë për të hapur një dritare diplomacie

Presidenti ukrainas Volodymyr Zelensky tha se Moska e ka shfrytëzuar kohën për t’u përgatitur për një takim midis udhëheqësve të dy vendeve për të nisur sulme të reja masive kundër vendit të tij. “E vetmja mënyrë për të rihapur një dritare mundësie për diplomacinë është përmes masave të ashpra kundër të gjithë atyre që financojnë ushtrinë ruse dhe sanksioneve efektive kundër vetë Moskës – sektorëve bankarë dhe të energjisë”, shkroi Zelensky në X sot. Komentet e Zelenskyt vijnë pas sulmit të fundit rus në Kiev dhe në mes të përpjekjeve të Trump për të organizuar një takim dypalësh mes Putin dhe Zelenskyt. Top Channel