Zjarr në një kanal me mbeturina, rrezikohen banesa dhe një gabinë elektrike

Një zjarr ka rënë pasditen e sotme në një kanal të mbushur me mbeturina dhe shkurre, në Njësinë Administrative Nikël. Kanali ndodhet shumë pranë rrugës kryesore, duke rrezikuar automjetet që kalojnë aty pranë, si dhe disa banesa dhe një gabinë elektrike që ndodhet në afërsi të zjarrit. Për shuarjen e flakëve janë angazhuar forcat e repartit zjarrfikës, të cilët po punojnë në terren në bashkëpunim me punonjës të Njësisë Administrative Nikël. Megjithatë, zjarri vijon të përhapet në disa vatra, duke e vështirësuar kontrollin e situatës.