“Të trembur dhe të heshtur”, Lala kritikon KLGJ-në për lidhjet me Ramën: Kanë frikë t’i përmendin emrin e tij

Gazetarja Klodiana Lala ka reaguar ashpër për reagimin e Këshillit të Lartë Gjyqësor mbi sulmet e kryeministrit ndaj drejtësisë. KLGJ u kujtua pasi Rama sulmoi gjyqtarinë tretë, ndërkohë që nuk ka guxuar t’i përmendë as emrin kreut të qeverisë. Sipas Lalës, ky institucion është i ‘tredhur’ dhe anëtarët duhet të shkojnë në shtëpi. “Turp për Këshillin e Larte Gjyqësor. Institucion i tredhur që s’guxon as të përmendë emrin e Edi Ramës që prej ditësh përgojon gjyqtarë e prokurorë, njësoj si gratë llafazane të lagjeve, e qeveria e gjyqësorit na flet për subjekte publike e private. Shkoni në shtëpi se nuk jeni asgjë më shumë sesa disa rrogtarë pa integritet”, shkruan gazetarja.