I dërguari amerikan thotë se sulmet e Rusisë kërcënojnë paqen që po e ndjek Trumpi

Administrata e presidentit amerikan, Donald Trump ka reaguar për herë të parë pas sulmeve të fundit ajrore të Rusisë ndaj kryeqytetit ukrainas, Kiev. Sulmi ndodhi gjatë natës dhe ka shkaktuar dëm të madh në zonat civile. Keith Kellogg, i dërguari i posaçëm i Trumpit për Ukrainën, ka dënuar ashpër këto veprime të Kremlinit, raporton skynews. “Objektivat e këtyre sulmeve nuk ishin ushtarë apo infrastruktura ushtarake, por zona të populluara nga civilë në Kiev – përfshirë trenat civilë, ndërtesa banimi, zyrat e misioneve të Bashkimit Evropian dhe të Mbretërisë së Bashkuar, si dhe vetë civilët e pafajshëm”, tha ai. “Këto sulme të egra dhe të paprovokuara janë një kërcënim serioz për përpjekjet e presidentit Trump për të sjellë paqe dhe stabilitet në rajon”, shtoi zyrtari amerikan. Deklarata...