Ekspertët: Rama do shumëfishojë taksat, situata me mbetjet do mbetet e njejtë

Pasi shpenzoi miliona euro në projekte të korruptuara inceneratorësh, qeveria “Rama” iu rikthye menaxhimit të mbetjeve duke premtuar një reformë përafrimi me legjislacionin e Bashkimit Europian, por ekspertët janë skeptikë, pasi plane të ngjashme kanë dështuar më herët. BIRN Kryeministri Edi Rama dhe ministrja e Mjedisit, Mirela Kumbaro prezantuan të enjten një reformë të re për menaxhimin e integruar të mbetjeve, e cila parashikon ndër të tjera dy ligje të reja, krijimin e një kompanie publike si dhe investime për ndërtimin e landfilleve të reja. Në fjalën e tij, kryeministri tha se ndryshimet ishin pjesë e përpjekjes për anëtarësimin e Shqipërisë në Bashkimin Europian dhe këmbënguli se kjo ishte pjesa më e vështirë. “Ky është kapitulli më sfidues i negociatave dhe ky është aspekti më...