U thirr për komentet antisemite, krushku i Trump nuk i shkon në takim qeverisë franceze

Ministri i Jashtëm francez, Jean-Noel Barrot, ka thënë të martën se zyrtarët e Ministrisë së Jashtme janë takuar me një përfaqësues të ambasadorit amerikan, Charles Kushner, pasi diplomati amerikan nuk është paraqitur në një thirrje nga qeveria franceze. Kushner është thirrur në lidhje me letrën e tij drejtuar presidentit francez, Emmanuel Macron, ku pretendonte se vendi nuk kishte bërë mjaftueshëm për të luftuar antisemitizmin. Takimi është zhvilluar të hënën pasi Parisi hodhi poshtë kritikat e Kushnerit si “të papranueshme” dhe njoftoi se e kishte thirrur atë për sqarime, raporton AP. Meqenëse diplomati mungonte, zyrtarët francezë u takuan me numrin 2 të ambasadës në vend të tij. Thirrja e ambasadorit është një njoftim formal dhe publik i pakënaqësisë. Gjatë takimit të së hënës, zyrtarët francezë e...