Shefja e Bankës Qendrore Europiane: Pa emigrantët, Europa nuk ka të ardhme

Drejtoresha e Bankës Qendrore Europiane, Christine Lagarde, paralajmëron se ekonomia e Europës nuk do të mund të zhvillohet pa emigrantë. Në një fjalim të mbajtur në Wyoming të SHBA, Lagarde theksoi se emigrantët kanë luajtur një rol kyç në ruajtjen e rritjes ekonomike dhe të vendeve të punës në eurozonë gjatë krizave të fundit, si ajo e energjisë dhe inflacionit të lartë. Ajo vuri në dukje se emigrantët, edhe pse përbënin vetëm 9% të fuqisë punëtore në vitin 2022, kanë kontribuar në gjysmën e rritjes së saj gjatë tre viteve të fundit. Pa këtë kontribut, sipas saj, tregu i punës do të ishte në vështirësi të mëdha dhe prodhimi ekonomik më i ulët. Gjermania dhe Spanja u përmendën si shembuj konkretë. Pa fuqinë punëtore të...