Një tjetër kurth për Zelenskyn? Shtatë liderët europianë përgatiten për përballjen me Trump

Nga Tommaso Ciriaco, La Repubblica Kryeqyteti është i shkretë. Mbi Shtëpinë e Bardhë patrullon një dron i forcave të sigurisë. Turistët e paktë kërkojnë me sy ushtarët e Gardës Kombëtare, të vendosur rishtazi nga Donald Trump. Dhe pastaj minjtë: janë ata që komandojnë, kalojnë rrugën, shfaqen pas çdo cepi, hyjnë pa pengesë në bodrume dhe sundojnë boshllëkun e mesit të gushtit. Heshtja thyhet vetëm nga ndonjë sirenë e eskortave të liderëve. Ata mbërrijnë vonë në mbrëmje. Ndër të parët, Giorgia Meloni. Zbret në hotelin St. Regis në mesnatë. E nxirë nga dielli, por e rraskapitur nga udhëtimi i papritur. Me xhaketë të bardhë dhe pantallona të zeza, përshëndet shkurt gazetarët: “Çfarë kënaqësie t’ju shoh…”, dhe ngjitet në dhomë. E presin orë të ndjeshme, të rrezikshme....