Instituti i Bashkive: Të shpallet gjendja e jashtëzakonshme për bashkitë e prekura nga zjarret

Situata e krijuar në shumë zona të Shqipërisë nga përhapja masive e zjarreve në muajt korrik dhe gusht 2025 ka nxjerrë në pah pamundësinë e bashkive për të përballuar vetë pasojat e rënda të këtyre fatkeqësive natyrore.Në këtë kontekst, Instituti i Bashkive të Shqipërisë ka kërkuar shpalljen e gjendjes së jashtëzakonshme në nivel lokal, për të shtuar efikasitetin e ndërhyrjeve nga pushteti vendor dhe për dhënien e kompensimit për familjet e dëmtuara.Në fund të muajit korrik nisur nga situata e krijuar në vend me zjarret, Ministria e Mbrojtjes deklaroi se qeveria do të ofrojë një paketë mbështetëse për banorët e zonave të prekura nga zjarret, për të kompensuar dëmet e shkaktuara në banesa, bujqësi apo blegtori. Ministri i Mbrojtjes Pirro Vengu më herët deklaroi se...