Delvina përballë katastrofës së flakëve! Mbi një mijë banorë evakuohen nga shtëpitë, rikthehet në funksion spitali

Flakët që zbarkuan nga Kakodhiqi drejt Delvinës ndezën alarmin mbrëmjen e djeshme, duke u afruar rrezikshëm pranë puseve të gazit dhe kondensatit, një vendburim strategjik për energjinë e vendit. Forcat zjarrfikëse të bashkive të jugut, trupa të ushtrisë, helikopterë emergjencash dhe dhjetëra vullnetarë u angazhuan për të frenuar përhapjen e flakëve. Era e fortë dhe terreni i pjerrët e bënë ndërhyrjen jashtëzakonisht të rrezikshme, ndërsa puset mbeteshin në fokus të mbrojtjes. Natën, tymi, nxehtësia dhe flakët rrethuan qytetin e Delvinës. Rreth 10 persona, përfshirë katër ushtarë, u trajtuan për asfiksi në spitalin e përkohshëm të ngritur në Kinoteatër. Në agim, skenat ishin tronditëse: ushtarë, zjarrfikës dhe banorë të shtrirë përtokë, në stola dhe bordura, të raskapitur pas 48 orësh pa gjumë, me shenja djegiesh dhe...