S’donin të linin shtëpitë! Dhjetra banorë mbeten të bllokuar mes flakëve, ç’po ndodh me zjarret në Gramsh?

Pamje nga Gramshi GRAMSH- Sa vjen dhe përkeqësohet situata në Gramsh. Edhe pse iu bë 2 herë thirrje që të evakuuoheshin, banorët nuk pranuan që të linin banesat dhe pronat e tyre, kështu kanë mbetur të bllokuar mes flakëve. Prej tymit të dendur, nuk mund të afrohen as ambulancat, as zjarrfikësit dhe e vetmja shpresë mbetet ndërhyrja nga ajri me helikopter. Në fshatin Sosëm sapo është aktivizuar një vatër e re shumë pranë banesave. Ka banorë të lënduar, por zjarrfikësit nuk kanë mundur dot të shkojnë për shkak të tymit. I gjithë fshati Skënderbegas po evakuohet, por ka shumë banorë që nuk pranojnë që të ikin nga banesat e tyre edhe pse u cënohet jeta. Në këtë zonë për ndihmë janë nisur 4 helikopterë./ZËRI