Ushtria pakistaneze vret 50 militantë përgjatë kufirit me Afganistanin

Ushtria e Pakistanit tha të martën se kishte vrarë 50 militantë islamikë përgjatë kufirit me Afganistanin fqinj gjatë katër ditëve, në një rajon të trazuar jugperëndimor ku ndodhen projekte kyçe kineze të Nismës “Një Brez, një Rrugë”. Militantët u vranë në një operacion të nisur të enjten, tha ajo në një deklaratë, në Balochistan, ku veprojnë si militantët islamikë ashtu edhe kryengritësit separatistë, që kërkojnë një pjesë më të madhe të pasurisë minerale të provincës. Reuters nuk mundi të verifikonte në mënyrë të pavarur numrin e viktimave. Analistë të pavarur dhe grupe militante thonë se ushtria e Pakistanit ekzagjeron rregullisht numrin e vdekjeve të militantëve, një akuzë që ushtria e hedh poshtë./ Reuters.