Vandalizohet një kishë në Sarandë

Drejtues të Kishës Ortodokse në Sarandë kanë denoncuar një akt shqetësues vandalizmi, i cili ka ndodhur pranë një stacioni autobusi në zonën e Kanalit të Çukës. Objekt i këtij sulmi ka qenë një kishë e vogël, e ngritur si vend lutjeje dhe qetësimi për besimtarët, por që fatkeqësisht është dhunuar në mënyrë të paprecedentë. Persona ende të paidentifikuar kanë thyer xhamin e dritares së kishës dhe më pas kanë përdorur një kallam për të dëmtuar ikonat e shenjta që ndodheshin brenda saj. Veprimet e kryera përbëjnë një fyerje të rëndë ndaj simboleve të besimit dhe janë dënuar ashpër nga përfaqësues të komunitetit ortodoks lokal. Policia është njoftuar për ngjarjen dhe pritet të ndërmarrë hetimet për identifikimin e përgjegjësve dhe sqarimin e rrethanave të këtij incidenti....