Zyra e Medias në Gaza: Mbi 22,000 kamionë me ndihma të bllokuar nga Izraeli

Autoritetet në Rripin e Gazës kanë ngritur alarmin për një krizë humanitare në përkeqësim, duke akuzuar Izraelin për bllokimin e qëllimshëm të më shumë se 22,000 kamionëve me ndihma humanitare. Sipas Zyrës së Medias Qeveritare në Gaza, kamionët – shumica të dërguar nga OKB-ja, organizata ndërkombëtare dhe institucione të tjera – po qëndrojnë të bllokuar në pikat kufitare për shkak të pengesave të vendosura nga autoritetet izraelite. “Pushtimi izraelit po e pengon qëllimisht hyrjen e tyre si pjesë e një politike sistematike të inxhinierisë së urisë, rrethimit dhe kaosit,” thuhet në deklaratë, ku kjo praktikë cilësohet si “krim i plotë lufte” dhe shkelje flagrante e ligjit ndërkombëtar humanitar. Zyra shton se kjo situatë kontribuon në atë që e cilëson si “krim të vazhdueshëm të gjenocidit”...