“Programi bërthamor i Iranit është eliminuar plotësisht”, sekretari amerikan i Mbrojtjes: Kjo i solli iranianët në tryezën e negociatave

Sekretari i Mbrojtjes i SHBA-së, Pete Hegseth, këmbënguli në qëndrimin se programi bërthamor i Iranit tani është eliminuar, duke thënë se kushdo që nuk është dakord… mund të shkojë dhe të bëjë kërkimet e veta. Me Donald Trump në krah, ministri amerikan sulmoi një raport të inteligjencës amerikane që thotë se programi bërthamor i Iranit mund të mos jetë shkatërruar, siç pretendon presidenti dhe stafi i tij. Ai tha se raporti u karakterizua si “besim i ulët” sepse “të gjitha provat janë varrosur nën një mal, të shkatërruara dhe të zhdukura”. Për këtë arsye, shtoi ai, “nëse doni të bëni një vlerësim të asaj që ndodhi në Fordow, më mirë të merrni një lopatë të madhe dhe të gërmoni shumë thellë, sepse programi bërthamor i...