Matura Shtetërore 2025/ Mes kritikave dhe propozimeve për ndryshim, ekspertët ndajnë qëndrimet

Ndërsa janë zhvilluar dy nga katër provimet e Maturës Shtetërore, debati për mënyrën se si matet njohuria e nxënësve është rikthyer sërish. Dalja e tezave gjatë kohës së zhvillimit të provimit ngjalli jo pak reagime mbi fiktivitetin e notave dhe meritokracinë. Për ekspertët, sistemi aktual i Maturës Shtetërore ka nevojë për reformim, pasi mënyra si organizohet nuk i shërben më qëllimit për të cilin është ngritur. Përpos kritikave për modelin joefikas të tanishëm, propozimet konkrete për ta përmirësuar nuk mungojnë. Shezai Rrokaj shprehet për A2 CNN: “Duhet të thjeshtohet. Dy provime përmbyllëse të shkollës së mesme (Matematikë dhe Gjuhë-Letërsi). Gjatë 3 viteve të bëhen kontrolle kombëtare të vlerësimit për lëndët përkatëse”. Në vitin 2022, ministrja e Arsimit asokohe, Evis Kushi, njoftoi se pranimi në Mjekësi...