Zjarr i madh në Hoshtimë të Vlorës, digjen varrezat dhe rrezikohen banesat! Evakuohen banorët

Një zjarr i madh ka përfshirë pasditen e kësaj të diele fshatin Hoshtimë në qarkun e Vlorës, duke shkaktuar panik dhe dëme të konsiderueshme. Flakët kanë përfshirë fillimisht zonën e varrezave të fshatit, ndërsa më pas janë përhapur me shpejtësi në drejtim të disa banesave, duke rrezikuar drejtpërdrejt jetën dhe pronat e banorëve. Policia ndodhet në vendngjarje dhe po ndihmon në largimin e menjëhershëm të qytetarëve nga shtëpitë që rrezikohen nga zjarri. Banorët kanë nisur gjithashtu evakuimin e bagëtive nga stallat, për të shmangur humbje të tjera. Në terren kanë mbërritur dy mjete zjarrfikëse, ndërkohë që drejt zonës është nisur...