Zbulohet një sasi tritoli pranë një lokali në Kurbin

Një sasi lënde dyshuese djegëse dhe një kallëp tritoli janë gjetur pranë një lokali në Kurbin. Mësohet se policia rreth orës 11:10, në ambientet jashtme të lokalit në pronësi të shtetasit I. N., 52 vjeç, ka konstatuar lëndën e dyshuar djegëse. Menjëherë janë njoftuar ekspertët xhenierë, të cilët po kryejnë veprimet e nevojshme për çaktivizimin e saj. Grupi hetimor ndodhet në vendngjarje dhe vijon punën për sqarimin e plotë të rrethanave të rastit dhe identifikimin e autorit/ve.