SPAK dërgon në gjyq 11 persona për trafik droge drejt Finlandës! Si funksiononte skema

Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet dhe ka dërguar për gjykim 11 persona të akuzuar si pjesë e disa grupeve të strukturuara kriminale që trafikonin sasi të mëdha lëndësh narkotike nga Holanda dhe Spanja drejt Finlandës. Sipas SPAK, procedimi penal nr. 147/1 i vitit 2023 është ndarë nga dosja kryesore dhe është hetuar në kuadër të një Skuadre të Përbashkët Hetimore, ende aktive, të krijuar më 21 nëntor 2023 mes Prokurorisë së Posaçme shqiptare dhe autoriteteve të Policisë Kriminale të Finlandës. Në bankën e të akuzuarve janë dërguar Besnik Spata, Ermelind Pupa (alias Ermelind Myzyri), Erind Agalliu (alias Erind Teneqexhiu), Geraldo Seferaj, Dorjan Luzaj, Kevin Qevani (alias Bojken Qevani), Toni Kota (alias Elton Tavani, alias Thoma Tavani, alias...