Ishte me pushime, 55-vjeçari bie nga shkëmbi në Radhimë, dërgohet në spital në gjendje të rëndë

Një pushues është plagosur rëndë pasi ka rënë nga një shkëmb në zonën e plazhit të Radhimës, në Vlorë. I plagosuri është identifikuar si 55-vjeçari Platon Bylyshi, i cili ka pësuar dëmtime të shumta si pasojë e rënies. Pas marrjes së ndihmës së parë në vendngjarje, 55-vjeçari po transportohet drejt Spitalit të Vlorës, ku do t’i nënshtrohet trajtimit mjekësor. Gjendja e tij shëndetësore raportohet e rëndë.