Sabalenka synon të mbrojë titullin në Australian Open, në finale do të përballet me amerikanen Keys

Tenistja bjelloruse Aryna Sabalenka dhe ajo amerikane Madison Keys janë dy finalistet e grand slam të Australian Open për femra. Në fushat me çement të Melburn, dy nga tenistet më të mira në botë do të përballen të shtunën në finalen e turneut të parë të madh të vitit.
Në gjysmëfinalen e parë, Sabalenka, numri 1 në botë, mundi 2-0 (6-4, 6-2) tenisten spanjolle Paula Badosa. Një ndeshje e komanduar nga bjellorusja, që synon të mbrojë titullin fituar vjet. Madje ajo është fituese e dy edicioneve të fundit.
Në sfidën tjetër gjysmëfinale, tenistja amerikane Madison Keys, aktualisht numri 14 në botë, mposhti 2-1 polaken Iga Swiatek që ishte favorite (5-7, 6-1, 7-6). Një fitore me përmbysje e Keys pas ndeshje që ishte më e bukur e që zgjati mbi dy orë.
Sabalenka konsiderohet favorite, teksa ka fituar 4 nga pesë përballjet mes tyre, ndërkohë që Keys nuk ka fituar asnjë grand slam në karrierë. Të premten do të luhen dy ndeshjet gjysmëfinale për meshkuj.
Gjysmëfinale-Femra
Aryna Sabalenka-Paula Badosa, 2-0
Madison Keys-Iga Swiatek, 2-1
Gjysmëfinale-Meshkuj
Alexander Zverev-Novak Djokovic
Ben Shelton-Jannik Sinner
Burimi