Rrëfehet Griner: Ja makthi në burgun rus, më duhej t’i kërkoja falje Putinit dhe ta falënderoja që të lirohesha

Një vit më parë dergjej në burgjet ruse e akuzuar për trafik droge, pas u arrestua në aeroport për mbajtje të lëndëve narkotike (iu gjet një substancë që e përdorte prë mjekim, me recetë nga mjeku). Më pas, falë një marrëveshje mes qeverisë amerikane dhe asaj ruse, basketbollistja Brittney Griner u rikthye në vendlindje, por pasi kaloi mjaft peripeci.
Në një intervistë për ABC, ajo ka rrëfyer gjithçka ka kaluar në ato muaj të gjatë nga njëri burg në tjetrin. Për të shmangur telashet më të këqija dhe rrezikun që të mos ktheheni më në shtëpi në Shtetet e Bashkuara, ajo i ka kërkuar falje publike presidentit Vladimir Putin. Por kjo s’është asgjë në lidhje me gjendjen e saj shpirtërore atë kohë dhe tmerrin që ka përjetuar.
“Kam menduar disa herë për vetëvrasje në dy javët e para, por nuk e bëra sepse isha e sigurt që nuk do t’ia jepnin trupin familjes sime”, thotë Griner. Në burg filloi të pinte cigare, një paketë në ditë. E dënuar në gusht 2023, gjashtë muaj pas arrestimit të saj, me nëntë vjet burg për trafik droge, ajo u përdor si levë politike për të ushtruar presion ndaj presidentit amerikan Joe Biden.
Ajo u lirua dhjetorin e kaluar si pjesë e një shkëmbimi të të burgosurve me një tregtar armësh që mbahej në Shtetet e Bashkuara. Në nëntor u transferua në një koloni penale në Mordovia, 500 km larg Moskës. “Një udhëtim me tren, në kafaze të tjera, i cili zgjati shtatë ose tetë ditë. Përfundova duke prerë dhe qepur uniformat e ushtarëve rusë gjatë gjithë ditën, duke ndarë një qeli me 20 të burgosur dhe një banjë me 50 vetë”, tha Griner.

“Të gjitha për të më çmendur dhe ndoshta për të më shtyrë të bëja vetëvrasje. Në qelinë time dysheku kishte një njollë të madhe gjaku. Ata ju japin këto dy çarçafë të hollë, kështu që ju praktikisht shtriheni në hekura. Gjysma e këmbës më ngecte midis hekurave, por duhej të kishe kujdes pasi mund të lëndoheshe”, kujton Griner.
Basketbollistja ishte e njohur në Rusi para arrestimit të saj, pasi kishte fituar disa tituj me Ummc Ekaterinburg, me të cilin luante. Në burg ajo njihej me nofkat “Amerikanja” dhe “Basketbollistja”. “Më jepnin një rrotull letre higjienike në muaj dhe pastë dhëmbësh që ishte më shumë se dhjetë vjeç e skaduar. E përdora për të hequr mykun nga muret e qelisë së tij”, shprehet basketbollistja.
“Kishte merimangat në shtratin tim që bënin fole në flokët e mi. Në fund, isha e detyruar të bëja atë që më thonin për të shmangur çdo gjë tjetër. I shkrova edhe një letër ku kërkoja falje, nuk kisha ç’të bëja”, tha Griner, që këtë verë do të jetë në Paris me kombëtaren amerikane në Lojërat Olimpike.
Basketbollistja shtatlartë amerikane, tashmë 33 vjeçe, luan me Phoenix Mercury në kampionat, ndërkohë që është shpallur një herë kampione në WNBA (kampionatin amerikan të basketbollit për femra). Ajo ka fituar dy medalje të arta olimpike dhe dy kampionate botërore.
Burimi