“Arritëm gjëra të mëdha edhe pse të paragjykuar si një qytet i vogël…” Sherri dhe letra e tij emocionuese e lamtumirës

Alen Sherri i ka dhënë lamtumirën klubit të Egnatias, pasi sot do të prezantohet si portieri i ri i Kaljarit në Serinë A. Portieri shqiptar ka udhëtuar drejt Italisë për të firmosur me skuadrën e tij të re, duke i dhënë fund një dyvjeçari shumë të suksesshëm me rrogozhinasit.
Vetë futbollisti, nëpërmjet një postimi në rrjetet sociale, ka dashur të shprehë mirënjohjen e tij ndaj rrogozhinasve për një eksperiencë të paharrueshme për të, teksa bëhet gati për një tjetër shumë të rëndësishme në karrierë.
“Përshëndetje!
Nuk di nga të filloj të flas për dy vitet e kaluara. Dy vite plot miqësi, vllazëri, fitore, besim, mbështetje, humbje, trishtime, të gjitha së bashku. Sot fillon një eksperiencë e re për mua dhe doja që fillimisht ta nisja duke falënderuar pa përjashtim të gjithë ata, të cilët besuan te unë dhe më mbështetën gjatë gjithë këtij rrugëtimi në klubin EGNATIA.
Duke nisur me në krye presidentin dhe drejtorin të cilët besuan te unë në një moment të vështirë të karrierës time, me shokët e ekipit më të cilët ndamë kohën më të madhe të ditës tonë dhe kishim një grup fantastik, me tifozët të cilët ishin gjithmonë mbështetës e prezent në çdo ndeshje, me stafin e palodhur të cilët punuan shumë me mua, me mjekët e ekipit që u kujdesen për të gjithë ne, me punëtorët të cilët u kujdesën gjithmonë që çdo gjë të shkonte siç duhej. Do jem përgjithmonë mirënjohës dhe falënderues ndaj jush.
Jam shumë i lumtur për faktin që të gjithë se bashku arritëm gjëra të mëdha dhe të shkruanim histori edhe pse të paragjykuar si një qytet i vogël. Faleminderit K.F. Egnatia.”
 
Burimi