Lajmidites.com

Tag: zgjodhën

  • Berisha godet të vetët: Kërkuan rinumërim të votave, zgjodhën rrugën e gabuar

    Berisha godet të vetët: Kërkuan rinumërim të votave, zgjodhën rrugën e gabuar

    Katër kandidatët humbës sipas Sali Berishës zgjodhën rrugën e gabuar për të kërkuar rinumërimin e votave të tyre.
    Kryedemokrati e cilësoi keqkuptim ankimimin e Alimehmetit, Hajdarmatajt, Hoxhës dhe Kucanes, të cilët as nuk e pyetën dhe as nuk e pritën, por u ankuan vetë në KAS.
    “Shumë zhurmë për asgjë. Venecia, ODIHR dhe kodi ynë ia njohin këtë të drejtë subjekteve politike që investohen edhe për kandidatin. Kandidatët e Tiranës u informuan sërish dje që rruga që kanë ndjekur është joligjore. Përfaqësuesit tanë në KAS kanë zbatuar ligjin. Ata nuk mund të votonin për një akt që është hequr me ligji. Këta të katërt kanë të drejtë të depozitojnë ankesën tanë pranë përfaqësuesve tanë në KQZ dhe ata do e paraqesin siç dëshirojnë kërkesën pranë KQZ-së. Pra, ka qenë vetëm një keqkuptim nga ana e tyre”, tha ai.

    Por ujërat nuk duken të qeta në selinë blu. Ndaj Berisha u kërkoi sërish durim dhe që kërkesat t’i bëjnë nëpërmjet përfaqësuesve ligjore të partisë.
    “Ata nuk duhet të humbasin kohën, t’i paraqesin ato që kanë paraqitur në KAS, pranë përfaqësuesve tanë në KQZ, që përfaqësuesit tanë për qarqet që kanë marrë vendime për vlefshmëri apo pavlefshmëri të procedojnë me shqetësimet e tyre”, ka thënë Berisha.
    Pasi pa që ndërkombëtarët jo vetëm certifikuan zgjedhjet, por nuk munguan as urimet për lidershipin e ri, Berisha doli këtë të shtunë në konferencë me një rezolutë të internacionales demokrate. Bashkë me të edhe me një fajtor të ri për humbjen e zgjedhjeve.
    “Kontrolli i partisë në pushtet mbi median, censura editoriale dhe ndalimi me motiv politik i platformës TikTok dëmtuan rëndë mundësinë e votuesve për të pasur qasje në informacion të balancuar dhe të larmishëm”, shtoi ai. /abcnews.al

  • Rama flet për herë të parë pas fitores: Në 11 maj shqiptarët zgjodhën yjet e Europës përballë gropës

    Rama flet për herë të parë pas fitores: Në 11 maj shqiptarët zgjodhën yjet e Europës përballë gropës

    Kryeministri Edi Rama ka reaguar për herë të parë publikisht pas fitores së zgjedhjeve të 11 majit, ku PS deri tani ka marrë 83 mandate, ndërsa ka mbetur më pak se 90 mijë vota të diasporës për tu numëruar.
    Ai ishte i shoqëruar në këtë dalje të parë para qytetarëve nga bashkëshortja tij Linda Rama, vajza Rea dhe dy djemtë Gregori dhe Zaho.
    Duke folur përballë qytetarëve, simpatizantëve dhe socialistëve në sheshin “Skënderbej” Rama falenderoi të gjithë shqiptarët pa përjashtim për këtë fitore.

    Ai tha se shqiptarët në 11 maj zgjodhën yjet e Europës përballë gropës së kapeles fake.
    “Ja ku i rikthyem prapë këtu 33 ditë pasi u rinisëm. Fillimisht me gratë dhe vajzat komando në 12 qarqe dhe pastaj të gjithë në këtë shesh, për të mbledhur çfarë mbollëm me shumë punë dhe plot mund për katër vite me radhë në zemrat dhe mendjet e shqiptarëve. Për 30 ditë shqiptarë vlerësuan, gjykuan dhe në 11 maj vendosën të na japin ne Partisë Socialiste mandatin e katërt. Na besuan si asnjëherë më parë për të punuar më shumë se asnjëherë më parë. Në katër vite ne mbollëm më shumë shpresë për Shqipërinë, dhe mblodhëm më shumë mbështetje nga shqiptarët, ne mbollëm krenari dhe mblodhëm votat referendare. Këto zgjedhje përballën Shqiëprinë me atë që di çfarë do dhe atë çfarë bën. Shqiptarët zgjodhën mes një Shqipërie gjithnjë e më të mirë në rrugën e mundimshme në fatin tonë Europian, dhe një Shqipërie të përgojuar nga gjuhët e palodhura të urrejtjes. Mes dritës së Europës dhe dritës së gropës së një kapeleje fake, Shqipëria zgjodhi yjet. Mes ngjitjes dhe humnerës, Shqipëria zgjodhi ngjitjen. Faleminderit Shqipëri”, tha Rama.

  • 83 mandate, Rama: Shqiptarët na besuan më shumë se asnjëherë. Zgjodhën dritën e Europës dhe jo errësirën e gropës

    83 mandate, Rama: Shqiptarët na besuan më shumë se asnjëherë. Zgjodhën dritën e Europës dhe jo errësirën e gropës

    Kreu i PS-së, Edi Rama po mban fjalimin e fitores së 83 mandateve në zgjedhjet parlamentare të 11 Majit. Rama falenderoi të gjithë shqiptarët që votuan për Shqipërinë që ecën drejt Europës dhe që zgjodhën rrugën e BE-së dhe braktisën errësirën e gropës dhe “kapeles fake” që “shan dhe mallkon”.
    “Ja ku u rikthyem përsëri këtu 33 ditë nga dita që u nisëm, fillimisht me gratë dhe vajzat komando të PS-së, në të 12 qarqet dhe pastaj në të gjithë nga sheshi i Skënderbeut për të mbledhur çfarë mbollëm me shumë punë dhe mund për 4 vite me radhë në zemrat dhe mendjet e shqiptarëve. Për 30 ditë shqiptartë dëgjuan, vlerësuan dhe më 11 maj ata vendosën të na e besojnë ne PS-së mandatin e katërt.

    Na besuan më shumë se asnjëherë më parë për një sfidë me të madhe se 4 vite më parë. Për 4 vite ne mbodhëm më shumë besim te Shqipëria ndaj mlodhën edhe më shumë shpresë e rezultat, për Shqipërinë Europiane, një votë referendare për Shqipërinë që do anëtarësohet në BE. Këto zgjedhje përballën Shqipërinë që di çfarë do e kërkon me atë që shan e mallkon papushim, që nuk di çfarë do. Shqiptarët zgjodhën një Shqipëri të rrugës së fatit europian dhe një Shqipëria me gjithë të zezat dhe sytë e nxirrë nga urrejtja”.
    Kreu i mazhorancës vuri theksin edhe te zgjedhja që bënë shqiptarët, duke parë nga e ardhmja dhe integrimi. ‘‘Mes dritës së Europës dhe errësirës së gropës së një kapele fake, Shqipëria zgjodhi driën. Me zërin tonë e radio të vjetër me ca tiki-take, Shqipëria zgjodhi korin tonë. Faleminderit Shqipëri. Në kujtesën time kjo fjalë fitoreje ka qenë më e vështirë për ta thenë atë se çfarë është për mua kjo fitore”.