Lajmidites.com

Tag: rregullat

  • Nesër provimi i Gjuhës së Huaj, rregullat që duhet të kenë parasysh maturantët

    Nesër provimi i Gjuhës së Huaj, rregullat që duhet të kenë parasysh maturantët

    Maturantët do t’i nënshtrohen nesër (3 qershor) provimit të Gjuhës së Huaj, ndërsa Ministrja e Arsimit, Ogerta Manastirliu ka rikujtuar rregullat që duhet të kenë parasysh të gjithë nxënësit.

    Provimi nis në orën 10:00 dhe përfundon në orën 12:30, por të gjithë maturantët duhet të paraqiten në ambientet e shkollës që në orën 08:30. Ata duhet të kenë me vete një mjet identifikimi, kartë ID ose pasaportë. Të ndaluara rreptësishtë janë telefonat dhe orët smart.

    Pas provimit të Gjuhës së Huaj, maturantët do të testohen në Gjuhën Shqipe më 10 qershor, ndërsa më 17 qershor do të zhvillohet provimi i Matematikës.

    Rregullat Matura Shtetërore 2025:

    Ora 8:30 – Paraqituni në ambientet e shkollës

    •          Provimi nis në 10:00 dhe përfundon në 12:30.

    Çfarë duhet të keni me vete:

    •          Mjet identifikimi (kartë ID ose pasaportë).

    •          2 stilolapsa, vizore e vogël, makinë llogaritëse e thjeshtë.

    Veshje e rregullt

    •          Uniforma e shkollës.

    •          Në mungesë të uniformës, bluzë + xhinse

    Shishe me ujë.

    •          Ushqehuni mirë në mëngjes në shtëpi

    Ndalohen rreptësisht:

    Telefonat

    Ora smart

    Rregulla gjatë provimit:

    •          Përdorni stilolaps me një ngjyrë dhe kurrë më shumë se një ngjyrë në plotësimin e testit

    •          Firmosni kur merrni dhe dorëzoni testin.

    •          Kontrolloni testin për pasaktësi ose paqartësi në lexim.

    •          Nuk lejohet largimi para 12:30.

    •          Sjellje korrekte dhe vëmendje gjatë testit.

  • Rregullat e Apple Store janë ende në shkelje të rregullores Europiane

    Rregullat e Apple Store janë ende në shkelje të rregullores Europiane

    Pas gjobës prej 500 milionë eurosh të vendosur ndaj Apple në prill, Komisioni Evropian (KE) thotë se Apple ende nuk është në përputhje me Aktin për Tregjet Digjitale (DMA) dhe ka më pak se 30 ditë kohë për t’u reaguar. DMA kërkon që Apple të lejojë zhvilluesit të informojnë klientët e tyre për shitje apo oferta të tjera jashtë App Store-it.

    Në dokumentin 68-faqësh të publikuar sot nga vendimi i KE-së në prill, komisioni arriti në përfundimin se politikat e Apple janë qartësisht anti-konkurruese dhe tha se kompania kishte shtuar pengesa të panevojshme — të quajtura rregulla “kundër-drejtimit” (anti-steering) — për përfundimin e transaksioneve të jashtme.
    Një nga këto strategji “anti-steering” që KE e kritikoi ishte përdorimi nga Apple i të ashtuquajturave “fletë frikësuese” (“scare sheets”). Kur përdoruesit klikojnë për të kaluar në një lidhje të pagesës së jashtme, shfaqet një mesazh që lexon: “Jeni duke u drejtuar drejt një faqeje të jashtme. Apple nuk është përgjegjëse për privatësinë apo sigurinë e blerjeve të bëra në internet.” Apple mund të përballet me gjoba periodike të konsiderueshme deri në pesë përqind të të ardhurave globale ditore nëse nuk i përputh politikat e saj me rregullat e BE-së.

    Në një deklaratë për 9to5Mac, Apple shprehu zhgënjimin e saj me detajet e sapo publikuara, duke thënë: “Nuk ka asgjë në vendimin 70-faqësh të publikuar sot që të justifikojë veprimet e synuara të Komisionit Evropian kundër Apple, të cilat rrezikojnë privatësinë dhe sigurinë e përdoruesve tanë në Evropë dhe na detyrojnë të japim teknologjinë tonë falas.” Më tej në deklaratë, kompania e quajti vendimin “të dëmshëm për inovacionin, të dëmshëm për konkurrencën, të dëmshëm për produktet tona dhe të dëmshëm për përdoruesit.”
    Apple do ta apelojë vendimin përpara afatit të 22 qershorit të përcaktuar nga KE. /PCWorld Albanian

  • Gjermania vendos kufizime për bashkimet familjare dhe ashpërson rregullat për shtetësinë

    Gjermania vendos kufizime për bashkimet familjare dhe ashpërson rregullat për shtetësinë

    Qeveria gjermane më 28 maj u pajtua për planet për të vendosur kufizime ndaj bashkimeve familjare për disa migrantë dhe për të ashpërsuar rregullat për marrjen e shtetësisë.
    Ashpërsimi i politikave të migracionit është premtim kyç i kancelarit të ri konservator, Friedrich Merzh, gjatë fushatës për zgjedhjet e shkurtit dhe Qeveria e tij menjëherë ka vendosur kontrolle në kufijtë e Gjermanisë pasi ai mori detyrën e kancelarit më herët gjatë këtij muaji.
    Ministri i Brendshëm, Alexander Dobrindt, u tha gazetarëve të mërkurën se masat e reja janë të rëndësishme për uljen e migrimit të parregullt.

    Pezullimi i bashkimeve familjare do të zgjasë të paktën dy vjet dhe do të prekë personat që nuk kanë status të plotë të refugjatit.
    Dobrindt tha se ky vendim do të ndihmojë në “lehtësimin” e punës së këshillave lokalë, që janë të caktuar për të ofruar ndihmë dhe integrim të personave të sapoardhur në këtë shtet.
    Ai kujtoi se masa të ngjashme ishin në fuqi mes vitit 2016 dhe 2018, në kohën kur Evropa u përball me krizën e migrantëve.
    Dobrindt gjithashtu njoftoi për heqjen e një reforme që ishte zbatuar nga qeveria paraprake, sipas së cilës, emigrantët mund të aplikonin për shtetësi pas tre vjetësh qëndrimi në Gjermani nëse mund të dëshmonin se kishin pasur “sukses në integrim”. Kërkesa për qëndrim tani do të rritet përsëri në pesë vjet.
    Sipas ministrit Dobrindt, masat e reja do të ndihmojnë në uljen e “faktorëve tërheqës” për migrantët që ndryshe mund të përpiqen të hyjnë në Gjermani në mënyrë të parregullt.
    Partia e ekstremit të djathtë, Alternativa për Gjermaninë (AfD) prej kohësh është kundër imigracionit, teksa figurat kryesore të partisë kërkojnë dëbime masive të të huajve.
    Merz është akuzuar nga kritikët se po përpiqet të fitojë mbështetje nga AfD-ja me retorikën e tij, por ai insiston se marrja e masave për migracionin është mënyra e vetme për të kundërshtuar rritjen e popullaritetit të së djathtës ekstreme.
    AfD-ja arriti rezultatin e saj më të mirë ndonjëherë, pak mbi 20 për qind, në zgjedhjet e përgjithshme të mbajtura në shkurt.
    Vendimet e të mërkurës pritet të miratohen nga Parlamenti para pushimeve të verës, që fillojnë në korrik.
    Kontrollet më të ashpra në kufi, të prezantuara më herët këtë muaj, synojnë kthimin e të gjithë migrantëve të paligjshëm, përfshirë azilkërkuesit, dhe këto masa kanë irrituar disa nga fqinjët e Gjermanisë.
    “Nuk është habi që këto vendime kanë nxitur kritika”, tha Dobrindt.
    “Por, ato janë të nevojshme për të treguar qartë se kemi ndryshuar kursin sa i përket migracionit”./REL

  • Shkelën rregullat e procesit të votimit, dy procedime penale! BKH zbarkon në Elbasan

    Shkelën rregullat e procesit të votimit, dy procedime penale! BKH zbarkon në Elbasan

  • Nuk iu bind rregullave të AGAIT, Kejsi përjashtohet nga FERMA VIP

    Nuk iu bind rregullave të AGAIT, Kejsi përjashtohet nga FERMA VIP

    Kejsi është përjashtuar nga FERMA VIP mbrëmjen e sotme pas vendimit të AGAIT. Fermerja nuk iu bind urdhrave të AGAIT për të qendruar te shtëpia e fakirit, duke u larguar prej aty dhe të festonte bashkë me të tjerët në 1 maj.
    Duke qenë se kjo është shkelja e disatë që ndodh brenda FERMA VIP dhe fermerët i kanë marrë me shaka rregullat e këtij spektakli, AGAI ka vendosur që të marrë këtë vendim drastik si shembull që edhe fermerët e tjerë duhet të kenë parasysh se çfarë ndodh me këdo që thyen rregullat sot e në vazhdim.
    Pjesë nga biseda:

    Luana: Pse zgjedh të thyesh rregullat?
    Kejsi: Duke qenë se jam rritur në familje punëtorësh nuk mund të rrija pa festuar 1 Majin.
    Nur: Ne i thamë që Luana ka thënë që mos thyeni rregullat. Por besoj se u mërzit ku pa që po festonin të tjerët, mendoj se e bëri atë veprim, nuk e di se çfarë mendoi më shumë. Unë Basta dhe Andrea u mbështetëm shumë, kujtuam se bëri shaka. Në momentin që doli, unë i thashë e hëngre se dole.
    Big Basta: Edhe unë si Nur mendova se ishte shaka dhe nuk e mora seriozisht, por paska patur arsye. Kejsi është e rritur mjafueshëm për t’i marrë parasysh të gjitha.
    Andrea: Kejsi thjeshtë ra pre e organizimit që kishte bërë AGAI për pjesën tjetër të fermerëve. Dua ta pranoj se humbëm garën, e mendova si shaka, por pastaj i rashë pishmanit që nuk e pengova. Siç e tha Big Basta ajo është e rritur.
    Kstro: Nuk e di Luana që ëmbëlsia e zërit tënd bënë që disa gjëra ata mos i marrin seriozisht. Në momentin që ajo doli, Kejsi i rrezikoi të gjithë. Nuk më pëlqen egozimi i saj, nuk më pëlqen as justifikimi. Jemi në mbrëmjen e 10-të që rregullat janë thyer vazhdimisht, e shoh mungesë bashkëpunimi. Ke firmosur një kontratë dhe ti e dije ku ishe. Ata janë brenda një gare shumë të fortë dhe dikush duhet të fitojë 100 mijë euro.
    Zhaku: Më vjen shumë keq që e shoh Kejsin të thyej një rregull vetëm për hir të asaj dëshire. Ajo thyen rregullat vetëm për të parë Limin se çfarë bën me Albën. Ajo është gati të shkatërrojë jetën e saj vetëm për të parë Limin se çfarë bën me Albën. Unë thashë shyqyr po del Kejsi nga lëvozhga dhe po krijon një personalitet të vetin.
    Kejsi: Unë personalitetin e kam patur gjithmonë. Përgjigja që i dhashë Luanës ishte me shaka. Unë isha pa qef dhe nuk mund të qendroja te fakiri. Unë që në mëngjes që u zgjova pyeta Nurin nëse do mërzitej po ta lija vetëm. Kur e ndava mendjen, thashë OK do e bëj. Sa i përket Limit dhe Albës mendoj se e ke gabim, po ti vazhdo komento se këtë punë ke.
    Zhaku: Po cila është arsyeja, e trajtove veten si princesha mbi bizele.
    Kejsi: E kam patur që e vogël që qumshtin dhe fasulet nuk i haja dot.
    Zhaku: Po pse u fute në Ferma VIP, çfarë do të arrish?
    Kejsi: Nuk u futa për të ngrënë qumësht dhe fasule. Kam pak kohë që kam nisur karrierën, mu duke e arsyeshme të tregoj veten time. Kam kohë që kam dalë nga zhgualli, por ky është mendimi jot.
    Zhaku: Më vjen keq që je futur në një debat me AGAIN, kur ai është ligji.
    Kejsi: Më vjen keq që diskutohet kaq shumë, thjeshtë mund të më thoshin dënimin.
    Zhaku: Kush e ka lënë tjetër shtëpinë e fakirit.
    Kejsi: Askush nuk e ka lënë.
    Luana: Keni 31 ditë pjesë e këtij formati, ky është format ndërkombëtar, ka rregulla. Kjo nuk është lojë, është një reality show që punohet vërtetë, edhe dënimi përshkallëzohet. Nëse ju flini mendjen që këtu vetëm tolerohet, kjo nuk vazhdon. Lojën e keni me njëri-tjetrin, megjithatë më vjen keq që nuk më ke dëgjuar, sepse e kam thënë që dënimi nuk do të jetë më tolerues. Në këto momente kam zarfin. AGAI duke marrë parasysh thyerjet e herëpashershme të rregullores, ka marrë disa herë vendime që kanë qenë tolerante që ju të ambientoheni me rregullat. Duke marrë parasysh thyrjen e rregullave, AGAI ka vendosur përjashtimin e menjëhershëm nga FERMA VIP.

  • Rreziku i fshehur brenda një pjate: Çfarë hanë kardinalët gjatë konklavës?

    Rreziku i fshehur brenda një pjate: Çfarë hanë kardinalët gjatë konklavës?

    Për më shumë se 750 vjet, rregullat strikte kanë përcaktuar se çfarë kardinalët mund të hanë dhe çfarë jo për të penguar mesazhet e fshehta brenda pulës, raviolëve apo pecetave.
    Këtë javë, kardinalët janë parë në Romë duke ngrënë në restorantet e tyre të preferuara. Duket se kardinalët po fitojnë sa më shumë kohë të jetë e mundur për vaktet e tyre sepse më 7 maj fillon konklava dhe 135 kardinalët do të izolohen nga bota për një periudhë të pacaktuar kohore. Votimi, fjetja dhe ngrënia do të ndodhin në një hapësirë të izoluar.
    Konklavat papale janë tejet hermetike. Kardinalët qëndrojnë në një vend ku nuk hyjnë apo dalin mesazhe veç tymit që sinjalizon si ka shkuar votimi. Ajo që ndodh saktësisht në këto konklava është e panjohur, por diçka dihet: kardinalët duhet të ushqehen gjatë ditëve apo javëve së përzgjedhjes së liderit të 1.4 miliardë katolikëve.
    Historikisht, ushqimi ka qenë gjthnjë një rrezik: raviolët e një kardinali mund të ishin të mbushura me një mesazh të fshehtë nga stafi i kuzhinës apo një kardinal mund të informonte botën e jashtme me një pecetë të ndotur.
    Kodi i fshehtësisë së konklavave daton që në vitin 1274 kur Papa Gregori X përcaktoi rregullat që ende sot udhëheqin zgjedhjet e papatit. Siç ndodh me përzgjedhjen e shumë papëve, edhe e tija kishte kundërshtime. Ishte gjithashtu më e gjata sepse u deshën thuajse 3 vjet që të përmbushej kuota e dy të tretave për zgjedhjen e papës së ri. Sipas Henricus de Segusio që shërbente në atë konklavë, banorët kërcënuan që do të pakësonin ushqimin e kardinalëve për të përshpejtuar rezultatin.
    Rregullat e reja të Papa Gregori X përfshinin izolimin e konklavës, çka zbatohet edhe sot dhe racionimin e ushqimit të kardinalëve. Pas 3 ditësh pa konsensus, kardinalët merrnin vetëm një vakt, pas 8 ditësh, vetëm bukë dhe ujë.
    Në vitet 1300, rregullat u zbutën nga Klementi VI që lejoi tri vakte me supë, një pjatë kryesore me mish, peshk apo vezë dhe ëmbëlsirë që mund të përmbante djathë ose fruta. Racionimi nuk ka vijuar, por kontrolli i rreptë mbi konklavat po.
    Historia më e detajuar sa i përket ushqimit të konklavës vjen nga Bartolomeo Scappi, shefi më i famshëm i kuzhinës gjatë periudhës së Rilindjes i cili u shërbeu Papa Pius IV dhe Pius V. Në librin e tij “Opera Dell’Arte del Cucinare”, ai zbardh sekretet e ushqimit në konklavën që përzgjodhi Papa Julius III dhe mbikëqyrjen e tejskajshme që vijon sot.
    Sipas tij, vaktet e ditës për kardinalët, përgatiteshin në kuzhinën e përbashkët nga kuzhinierët dhe somelierët, dy role të zakonshme që lejonin punën e konklavës. Ai thotë se kuzhina ishte një hapësirë ku mund të jepeshin mesazhe të ndaluara dhe thekson se rojet vendoseshin aty për ta parandaluar.
    Dy herë në ditë, sipas shortit, shërbyesit dërgonin ushqimin me ceremoni te ruota. Kjo “rrotë” e ndërtuar në mur, lejonte kalimin e ushqimit dhe pijeve te kardinalët në murin e brendshëm. Para se të kalonin përmes murit, pijet dhe ushqimi kontrolloheshin për mesazhe të fshehta. Çdo hap vëzhgohej me kujdes nga rojtarë italianë dhe zviceranë.
    Ushqimet kontrolloheshin dhe nuk lejohej asgjë që mund të fshihte një mesazh. Byrekët. Një pulë. Vera dhe uji servireshin në gota qelqi të tejdukshëm. Pecetat hapeshin dhe kontrolloheshin me kujdes. Kjo siguronte izolimin, por edhe shmangien e helmimit sepse gjatë periudhës së Rilindjes, papati kishte edhe influencë politike.
    Vaktet përmbanin fruta, sallatë, djathë, verë dhe ujë të freskët. Secili kardinal kishte dhomën e tij të zbukuruar me mëndafsh dhe të pajisur me shtrat, tavolinë, dollap, dy stolë, një tualet dhome etj. Sipas Scappi, të shërbeje në konklavë s’ishte keq nëse s’të pengonte vëzhgim i vazhdueshëm.
    Në konklavën e 7 majit, murgeshat e Santa Martës do të përgatisin pjatat e thjeshta karakteristike të Lazio dhe Abruzzo: supë, spageti, shishqebap qengji dhe perime të ziera. Rezultati është i njëjtë: procesi mbikëqyret në mënyrë rigoroze për t’u siguruar që nuk hyn apo del asnjë informacion.
    Tani Vatikani po kontrollohet për pajisje të fshehura elektronike derisa të fillojë konklava dhe kardinalët kanë nisur përgatitjet e tyre, duke u dyndur në Romë për të ngrënë disa vakte zemre, ndoshta duke menduar nëse kjo do të jetë darka e tyre e fundit para se të bëhen papë.

  • Thyen rregullat, ndëshkohen fermerët! Agai u zbret tre konkurentëve 10 mijë euro nga çmimi madh

    Thyen rregullat, ndëshkohen fermerët! Agai u zbret tre konkurentëve 10 mijë euro nga çmimi madh

    Deklarata të forta, sfida të paparashikuara, emocione të bukura, rregulla të thyera,ishte kjo panorama e natës së gjashtë të spektaklit “Ferma VIP 2” mbrëmjen e së premtes.
    Gjatë kësaj jave rregullat e thyera kanë qenë në mënyrë të përsëritur, ndaj spektakli nisi pikërisht me to. Tre fermerët  Alba, Andueli dhe Andrea u dënuam nga Agai. Nëse e ndonjëri tyre do të shpallet fitues i edicionit të dytë do t’i zbriten 10 mijë euro nga çmimi i madh prej 100 mijë eurosh.
    Përplasjet, prishjet e aleancave dhe grupimet këtë javë janë theksuar edhe më shumë. Një prej tyre ishte edhe debati i Andueli dhe Andreas me Big Bastën, të cilët kanë ngritur akuza ndaj njëri-tjetrit, madje fjalori i ashpër dhe zëri i lartë kanë vijuar edhe gjatë spektaklit.

    Debate këto që kanë përfshirë edhe dy opinionistët.
    Një televotim i hapur në primen e së hënës vendosi fatin e rrugëtimit të fermerëve. Katër më pak të preferuarit e publikut,  Nur, Gania, Danela dhe Kejsi kaluan në një sfidë. Të ndarë në dy grupe dyshe nga kryefermeri i javës Frederik Ndoci, konkurrentet u vunë përballë njëri-tjetrit në një lojë shpejtësie.
    Sfidë kjo që u fitua nga dyshja Gani-Kejsi, ndërsa vajzat, Danela dhe Nur kaluan automatikisht në një televotim për të eliminuar njërën prej tyre tyre hënën e ardhshme.
    Mbrëmja e gjashtë ishte ndër netët më dinamike nga nisja e këtij prodhimi të Vizion Plus.
    Një letër e papritur për Danelën, ndryshoi gjithçka. Fermerja, që në momentin që u bë pjesë e spektaklit deklaroi se zemra e saj i përkiste dikujt jashtë. Por mbrëmjen e djeshme, ajo ka marrë një mesazh.
    Mesazhi ka tronditur jo pak modelen e fermës. Dënimet nuk mbaruan këtu. Moderatorja Luana Vjollca u komunikoi fermerëve dhe njëherë që kushdo prek sendet personale do të ketë pasoja.
    Ganiu dhe Danela u ndëshkuan për rrengjet e ngritura gjatë këtyre ditëve. Ata do të pastrojnë të gjithë çarçafët e bërë pis dhe duket t’i kthejnë në gjendjen e mëparshme.
    Një vëmendje të veçantë mori edhe raporti i Limit dhe Albën. situatë që ka sjellë spekulime të shumta jo vetëm mes fermërëve por dhe opinionistëve, teksa dy fermerët kanë vijuar qëndirmin e tyre se që ka qenë e gjitha një lojë e aktruar prej të dyve.
    Edhe kjo mbrëmje u mbyll me muzikë të bukur nga artistët e fermës. Ndërsa të tjera rrjedha do marrin drejtim ditët në vijim, mos humbisni asnjë moment në dy kanalet e dedikuar të platformës Tring si dhe në përmbledhjen ditore në orën 17.00 në ekranin e Vizion Plus.
    /vizionplus.tv

  • Thyerje rregullash në Ferma VIP, Luana Vjollca ka dy fjalë për të gjithë!

    Thyerje rregullash në Ferma VIP, Luana Vjollca ka dy fjalë për të gjithë!

    Episodi i gjashtë i Ferma VIP 2 solli një tjetër mbrëmje plot energji dhe emocione, nën moderimin plot hijeshi të Luana Vjollcës, e cila si çdo herë shkëlqeu me stilin e saj të veçantë.
    Por ajo që ndezi më shumë skenën këtë mbrëmje ishte tematika ku u ndal Luana sot: tek thyerja e rregullave.
    “Rregullat! Ato që janë bërë për t’u thyer… ato që perceptohen si ‘ndalim i lirisë’ për disa… në fakt, janë ato që vendosin rend dhe mbarëvajtje për një bashkëjetesë të qetë!

    Sonte u ndala tek rregullat, shkelja e të cilave u kthye në një zakon për fermerët tanë gjatë këtyre ditëve… me të gjithë mirëkuptimin për të besuar se një artist kurrsesi nuk mund të qëndrojë në një kuadrat… dua të them se liria për të thyer rregullat nuk justifikohet dot për aq kohë sa cenon mbarëvajtjen e jetës së individëve që na rrethojnë!
    Le të inkurajojmë lojën, individualitetin, ngjyrat e gjithsecilit, lirinë për t’u shprehur e vepruar, le të inkurajojmë pranimin e mendimeve të ndryshme, por kurrsesi në kurriz të rendit… sepse rregullat nuk janë kufij… rregullat janë për të na udhëhequr drejt qetësisë, harmonisë dhe bashkësisë.” – u shpreh Luana, deklaratë kjo që mori duartrokitje të gjata nga publiku.
    Luana vazhdoi më tej me një dënim nga Agai ndaj Albës, Anduelit dhe Andreas.
    Lexo më shumë lajmin më poshtë:
    Thyen rregullat, Agai dënon Albën, Anduelin dhe Andrean

  • Brenda avionit privat të Elon Musk, zbulohen rregullat strikte të sjelljes

    Brenda avionit privat të Elon Musk, zbulohen rregullat strikte të sjelljes

    Detaje nga udhëtimet private të Elon Musk janë zbuluar pas një sulmi kibernetik ndaj kompanisë NetJets Inc., duke nxjerrë në dritë një dokument që përshkruan rregullat strikte të miliarderit gjatë fluturimeve me avion privat.
    Sipas dokumentit, Musk përshkruhet si një person “i sjellshëm dhe i qetë”, por stafi i bordit duhet të shmangë çdo bisedë, përveç nëse u drejtohet ai i pari. Ai kërkon që kabina të jetë në temperaturë të ulët, rreth 18°C (65°F), me sistemin e ajrosjes individuale të fikur, pasi “nuk i pëlqen zhurma”.
    Dritat duhet të jenë të zbehta, pasi shpesh preferon të flejë gjatë fluturimeve, edhe kur janë udhëtime ditore. Ai është gjithashtu shumë i ndjeshëm ndaj ndërprerjeve të internetit gjatë fluturimit, por nuk preferon të ofrohet ndihmë teknologjike, pasi i zgjidh vetë problemet.
    Dokumenti, siç raporton “The Sun”, nënvizon se Musk “nuk shqetësohet për kursimin e karburantit”, por dëshiron që udhëtimi të jetë sa më i shpejtë dhe direkt. Kjo bie në kontrast me imazhin e Tesla-s si kompani e përkushtuar ndaj energjisë së pastër.
    Avioni i preferuar i Musk është Gulfstream G650ER, një nga avionët privatë më luksozë në botë. Ai përmban tre ambiente të veçanta, pajisje moderne teknologjike me ekrane të shumta, internet gjatë fluturimit, sedilje që shndërrohen në shtretër, dy tualete me lavamanë prej graniti, si dhe një kuzhinë me furrë dhe mikrovalë. Dritaret dhe tavolinat kontrollohen me butona, ndërsa avioni përshkon deri në 12 mijë kilometra me shpejtësi afër Mach 0.93 (mbi 1200 km/h), duke mundësuar fluturime ndërkontinentale pa ndalesë.

  • “Tarifat ndryshuan botën”/ Starmer: Rregullat kanë marrë fund, mbizotërojnë aleancat

    “Tarifat ndryshuan botën”/ Starmer: Rregullat kanë marrë fund, mbizotërojnë aleancat

    Bota siç ne e njihnim ka marrë fund. Kjo është deklarata e bërë nga Kryeministri Britanik Keri Starmer referuar tarifave prej 10% që Trump vuri ndaj vendit të tij ndërsa Londra zyrtare ka deklaruar se po vijon negociatat me Washingtonin.
    Në një opionon për “The Telegraph” Starmer deklaroi se ai do të përdor politikat e duhura industriale për të mbrojtur vendin e tij nga ajo që ai e quajti një stuhi ekonomike. Masat që Mbretëria e Bashkuar pritet të shpallen përgjatë javës.
    Starmer u shpreh se Bota e re që po shohim aktualisht udhëhiqet më pak nga rregullat dhe më shumë nga aleancat.
    Mediat ndërkombëtare shkruajnë se edhe Gjermania po mendon të ndërmarrë masa si pasojë e tarifave të shpallura nga Donald Trump.
    Berlini Zyrtar raportohet se po mendon të tërheqë një pjesë të reserves së tij prej 1200 tonë ar në rezervën e Nju Jorkut. Për dekada Gjermania ka mbajtur 1200 tonë rezevë ari, rezerva e dytë më e madhe në botë e arit pas asaj të Shteteve të Bashkuara të Amerikës që po ashtu ruhet në Kasafortën e Rezervës Federale të Shteteve të Bashkuara në Manhatan.
    Shpallja e Tarifave Tregtare nga Donald Trump për 180 vende të botës fshiu nga bursat ndërkombëtare mbi 5 trilionë dollarë, duke bërë kështu që kjo periudhë të jetë më e keqja në Bursa që prej kohës së pandemisë Covid 19.
    Fondi Monetar Ndërkombëtar Paralajmëroi se prespektiva e rritjes ekonomike mund të ulet këtë vit ndërsa Banka e Investimeve JP Morgan tha se shanci që ekonomia botërore të përballet me recesion është rritur në 60% nga 40% që ishte më parë.