Lajmidites.com

Tag: japim

  • Specialistja e punësimit: Ne marrim staf të huaj dhe u paguajmë benefitet, por shqiptarëve nuk ua japim

    Specialistja e punësimit: Ne marrim staf të huaj dhe u paguajmë benefitet, por shqiptarëve nuk ua japim

    Specialistja e punësimit Eni Kasmi e ftuar në emisionin ‘Kush Paguan’ me Klaudja Karabollin në SYRI TV, ka treguar se, për punonjësit e huaj që vijnë në Shqipëri, paguhet fjetja, ushqimi dhe orët shtesë.

    Por sipas saj, për stafin shqiptar nuk paguhet asnjë nga këto benefite që i përfitojnë të huaj.

    ‘Ne këto kritere i kërkojmë, jemi duke i kërkuar tashmë tek stafi i huaj që po rekrutohet në Shqipëri. Pra vijnë ëh, pikërisht për atë pozicion pune. Pra jemi shumë të kujdesshëm, ne dimë, nuk është se nuk dimë. Thjesht brenda nesh e kemi shumë të vështirë për t’u ëh, për t’u përshtatur.

    Folësi 2: Respektojnë më mirë rregullat, është çështje… Patjetër. Tani çfarë ndodh? Ndodh që ne marrim staf të huaj nga, nga larg. Okay? Nga çdo shtet, po themi nga ato shtete që ne bashkëpunojmë. Marrim staf të huaj, bëhet një kontratë pune shumë e rregullt sepse sigurisht që ata vijnë nga një shtet që respektohet. Ne i paguajmë, jo jo, respektohen…

    Brenda kontratës së punës janë të vendosura dhe orët shtesë, të cilat ato i marrin një më një. Kemi pastaj që do t’ju paguhet fjetja, akomodimi, do t’ju paguhet dhe ushqimi. Pse nuk marrim neve një person nga ëh, po themi nga Burreli, ta sjellim në Tiranë me të njëjtat kushte? Pse nuk e merr thotë?

    Po sepse s’ia japim. Çfarë argumenti do, nuk ia japim’, tha ndër të tjera, ekspertja Eni Kasmi në SYRI TV.

     

  • Maqedonia e Veriut synon Play Off, Bardhi: Japim shpirtin në fushë

    Maqedonia e Veriut synon Play Off, Bardhi: Japim shpirtin në fushë

    Kapiten i Maqedonisë së Veriut, Enis Bardhi doli në konferencë për shtyp, para ndeshjes kualifikuese të botërorit ndaj Uellsit.
    “Të gjithë e dimë rëndësinë e këtij takimi dhe mund të fitojmë shumë. Por para se gjithash duhet të shijojmë momentin dhe të japim maksimumin. Kemi kohë të gjatë pa humbje dhe nesër duhet të japim më shumë se zakonisht. Shpesh harrojmë të kënaqemi në lojë. Ndonjëherë nga stresi dhe presioni nuk arrijmë ta shijojmë momentin.

    Dua që të hyjmë të lirshëm, me mendje të qetë, dhe secili nga ne të jetë krenar dhe të luftojë në fushë. Kur them të shijojmë ndeshjen, mendoj të luftojmë, të vrapojmë dhe të lëmë zemrën në fushë. Ndonjëherë luan aq sa të lejon kundërshtari. Belgjika është një nga skuadrat më të mira në Evropë dhe aty duhej të mbroheshim. Besoj se Uellsi nuk luan në stilin e Belgjikës, por ka futbollistë agresivë dhe do të ushtrojë presion të lartë. Ndoshta nesër nuk do të kemi shumë tifozë tanë, por pas nesh qëndron i gjithë kombi, me mbështetje të madhe. Uroj që në fund të gëzohemi për një rezultat pozitiv”, tha kapiteni Bardhi. Kujtojmë që një rezultat pozitiv dërgon Maqedoninë në Play Off.

  • “Vendimi për të zgjedhur Kosovën, i vështirë”, rrëfimi i Hajdarit: Japim më të mirën për Botërorin

    “Vendimi për të zgjedhur Kosovën, i vështirë”, rrëfimi i Hajdarit: Japim më të mirën për Botërorin

    Në një intervistë për gazetën zvicerane “bluewin”, qendërmbrojtësi i Kosovës, Albian Hajdari u ndal te vendimi për të zgjedhur Kosovën, si dhe  foli për ndeshjen me Zvicrën.
    “E kuptoj reagimin e publikut. Ishte vendim i vështirë edhe për mua, e kam diskutuar me shumë kujdes me rrethin e ngushtë, miqtë dhe familjen. Pastaj, dua të jem model për futbollistët e rinj në Kosovë, të jem shembull dhe t’i dëshmoj vlerat e mia”.

    “Play Off- Po përgatitemi, do ta japim më të mirën dhe nuk do të jemi mysafirët më të mirë në fushë”.
    “Humbja 4-0? Është në të kaluarën, nuk po e mendoj. Ka rëndësi vetëm paraqitja jonë në lojën e ardhshme”.

  • Te Ferrari të zhgënjyer: Në Brazil një garë “horror”, do të japim gjithçka deri në fund të sezonit

    Te Ferrari të zhgënjyer: Në Brazil një garë “horror”, do të japim gjithçka deri në fund të sezonit

    Gara e fundit e Formula 1 në Brazil ishte një dështim total për Ferrari, që nuk mori asnjë pikë në pistën e Interlagos. Të dy pilotët e “kokëkuqes” u detyruan të braktisin para kohë garën pas incidenteve që patën në pistë në xhiron e parë. “Na ka mbetur pjesa e fundit e sezonit, do t’i japim gjithçka”, tha Lewis Hamilton.
    Ferrari zbriti në vendin e katërt të botërorit për konstruktorë. “Padyshim një garë për t’u harruar. Pas kontaktit në xhiron e parë, dëmi i pësuar na kushtoi shumë force dhe e bëri pjesën e pasme shumë të vështirë për t’u menaxhuar. Pavarësisht përpjekjeve tona për të gjetur një zgjidhje në fund u detyruam të tërheqim makinën”, tha Hamilton.
    “Jam shumë i zemëruar, pasi nuk bëra asnjë gabim. Nuk jam i zemëruar me Kimi ose Piastri, janë incidente që ndodhin. Le të themi se Oscar ishte optimist, por Kimi mund t’i kishte dhënë më shumë hapësirë, ai u kthye sikur McLaren të mos ishte aty”, tha Charles Leclerc, që doli nga pista që në kthesën e parë.
    “Është për të ardhur keq që të përfundojmë me një tërheqje nga gara. Është frustruese, duke pasur parasysh se po luftojmë për vendin e dytë në kampionatin e konstruktorëve. Tani do të jetë më e vështirë të sigurojmë atë pozicion dhe do të duhet të përballemi në mënyrë perfekte tre fundjavat e ardhshme për të pasur një shans”, shtoi monegasku.

  • Dueli me Serbinë, Hysaj: Këtu kemi ardhur vetëm për fitore, të japim 120%

    Dueli me Serbinë, Hysaj: Këtu kemi ardhur vetëm për fitore, të japim 120%

    Mbrojtësi i Kombëtares, Elseid Hysaj, foli në konferencë për shtyp, në prag të duelit me Serbinë.
    Në fjalën e tij, Hysaj ishte i prerë, duke thënë se Shqipëria do të luajë vetëm për fitore, për asnjë rezultat tjetër.
    Në lidhje me masat e marra, Hysaj u shpreh se këto i motivojnë lojtarët kuqezi.
    “Për mua është e njëjta gjë, e përjetoj këtë ndeshje emocionalisht. Është ndeshje e vështirë dhe e bukur për ta luajtur. Mezi presim të hymë në fushë. Këto masat e sigurisë, kanë qenë edhe më parë. E kanë për sigurinë e tyre, por mund ta na japim motivim më shumë.
    Është nder të arrij rekordin e Lorik Canës. Unë mendoj për Kombëtaren dhe ndeshje. Të mendojmë vetëm për skuadrën. Sa u nisëm nga hoteli, të gjithë lojtarët e kanë parë dhe ndjerë emocionalisht. E dinë rëndësinë për nesër.
    Ndeshja e kaluar, fitorja duhet të ishte për ne, sepse luajtëm mirë. Kemi ardhur për të njëjtën dëshirë. Futboll është, por ne duhet të japim gjithçka. Ne kemi ardhur këtu për fitore, as për barazim dhe as për humbje. Duhet të japim 120%. Është ndeshje delikate dhe e fortë.
    Të gjithë e mendojnë si unë. Nuk vijmë këtu për barazim apo humbje. Vijmë vetëm për fitore. E rëndësishme është që të gjithë të hymë në fushë për t6ë ecur përpara. Shpresojmë që nesër të jetë dita.
    E dimë të gjithë se Serbia ka lojtarë të mirë dhe sulmues të mirë. Kam luajtur ndaj tyre në Itali, pro edhe ne kemi kualitete. Dimë ta përballojmë sulmin e Serbisë”, u shpreh Hysaj.

  • Kompany: Japim gjithçka, fitojmë dhe jemi të lumtur, lojtarët transmetojnë energji te njëri-tjetri

    Kompany: Japim gjithçka, fitojmë dhe jemi të lumtur, lojtarët transmetojnë energji te njëri-tjetri

    6 Tetor 2025

    8:33

    Telesport

    Sezoni 2025/26 i Bayern Munich është një “rul” i vërtetë me avull. Që nga ndeshja e tyre e parë e sezonit, Superkupa e Gjermanisë kundër Stuttgartit, më 16 gusht, bavarezët kanë njohur vetëm një rezultat: fitoren.
    Në dhjetë ndeshje të luajtura në të gjitha garat, ata kanë arritur të njëjtin numër fitoresh. E fundit ajo arritur ndaj Frankfurt. Trajneri Vincent Kompany, shprehu kënaqësinë e tij për paraqitjen e skuadrës.
    “Po luajmë shumë mirë dhe jemi një skuadër shumë e fortë. Energjia është e mirë dhe lojtarët ndihmojnë njëri-tjetrin, veçanërisht në mbrojtje brenda zonës. Kjo na jep gjithmonë një bazë të fortë”, tha Kompany.
    “Ne përpiqemi gjithmonë të japim gjithçka, fitojmë dhe jemi të lumtur. Më pëlqen shumë integrimi i Luis Díaz. Kjo lloj energjie dhe dëshire për të luajtur i jep energji të gjithë ekipit. Këta janë pikërisht lloji i lojtarëve që ju nevojiten”, tha Kompany.

  • Marrëdhëniet Shqipëri-Kosovë/ Spiropali: Duhet t’u japim fund deklaratave për përfitime afatshkurtra politike 

    Marrëdhëniet Shqipëri-Kosovë/ Spiropali: Duhet t’u japim fund deklaratave për përfitime afatshkurtra politike 

    Ministrja për Evropën dhe Punët e Jashtme të Shqipërisë, Elisa Spiropali komentoi marrëdhëniet politike mes Kosovës dhe Shqipërisë, të cilat duken disa më të ftohta dhe shumica besojnë që fajtori kryesor në këtë mes është vetë Albin Kurtit. 
    Megjithatë, Spiropali në “Real Story” nuk preferon të bëjë komente të natyrës politike, por shtoi se bashkëpunimi institucional mes dy shteteve është në maksimumin e vet. 
    Ajo theksoi se shqiptarët janë në një moment të mirë historike dhe ky është një avantazh i madh. 
    “Përtej asaj që mund të duket në raportin politik, po të shohësh si numrin e marrëveshjeve të nënshkruara, janë duke u zbatuar, ashtu dhe politikat që po ndiqen dhe bashkëpunimi i vërtetë institucional, besoj se është në maksimumin e  vet. 
    Ajo që ju i shihni si raporte politike pastaj, unë Shpreh keqardhjen për një dukje të tillë, do doja të mos ishte kështu. Duhet t’i japim fund deklaratave, këtyre lloj mërrylje publike, s’ka nevoje për të përdorur deklarata politike për përfitime afatshkurtra politike. 
    Kjo është një garë historike për t’i afruar shqiptarët, për të rritur peshën e faktorit shqiptar në rajon dhe për ti bërë ato pjesë natyrale me familjen europiane, me të cilët na ka ndarë dhuna. 
    Shqiptarët nuk kanë qenë mirë seç janë sot në histori të tyre, edhe ne raport me prestigjin ndërkombëtar, edhe në raport me reputacionin që kemi krijuar. Ne duhet t’i mbyllim negociatat brenda 2027 , ne duhet të bëhemi anëtar të BE brenda 2029″, tha ajo. 

  • Rama: Funksionimi si një vend i BE-së, trashëgimia më e madhe për fëmijët tanë

    Rama: Funksionimi si një vend i BE-së, trashëgimia më e madhe për fëmijët tanë

    Kryeministri Edi Rama, në Konferencën Ndërkombëtare për Qeverisje, në një panel diskutimi për perspektivën e Shqipërisë në procesin e integrimit, u shpreh se nëse Shqipëria do të veprojë “si një vend anëtar i BE, kjo do ishte trashëgimia më e madhe që mund t’i japim fëmijëve tanë”.
    “Procesi për ne është po aq i rëndësishëm, edhe më i rëndësishëm se rezultati përfundimtar. Udhëtimi është ai që kemi nevojë, nëse ne bëhemi një vend i cili vepron si një vend anëtar i BE, kjo do ishte trashëgimia më e madhe që mund t’i japim fëmijëve tanë”, tha Rama, shkruan A2.
    “Që fëmijët të rriten në një shtet ku institucionet funksionojnë si në Itali apo një vend tjetër mesdhetar. Sepse si Gjermania nuk bëhemi dot edhe me ndihmën e Bashkimit Europian. Prandaj, ne kemi nevojë që të mos e humbasim plotësisht mundësinë që të kemi disa gjëra të vogla në jetët tona, pjesën e gëzueshme të jetës dhe kjo është arsyeja pse të gjithë ambasadorët dëshirojnë të qëndrojnë më gjatë në Shqipëri nga sa është misioni i tyre dhe kur largohen janë gjithmonë të trishtuar”, shtoi Rama.
     

  • Sfida me Letoninë, Gjimshiti: Luajmë vetëm për tre pikë dhe vazhdojmë rrugëtimin

    Sfida me Letoninë, Gjimshiti: Luajmë vetëm për tre pikë dhe vazhdojmë rrugëtimin

    Kapiteni i kombëtares shqiptare, Berat Gjimshiti, në konferencën para mediave një ditë para sfidës me Letoninë ka folur për situatën më skuadër dhe gjendjen aktuale.
    Gjitmshiti tha se atmosfera në kampin kuqezi është shumë pozitive dhe se ditën e nesërme të gjithë ata që do të zbresin në fushë do të japin maksimumin.
    “Sigurisht që ekipi është përgatitur mirë, kemi pasur kohë, jemi pozitiv,. nuk do të jetë e lehtë. Kemi presion, dhe përqëndrimi do të jetë i lartë. Do të marrim tre pikë për të vazhduar rrugetimin tonë.

    Ndryshe nga ndeshja e parë? Sigurisht që kemi parë ndeshjet, jo vetëm ato, por edhe ndeshjen e fundit që luajti me Serbinë. Ajo që luajtëm atje nuk ishte e mirë, sigurisht që kemi gabuar, sidomos në futbollin e sotëm nuk është më aq e thjeshtë si para disa vitesh ku fitoje thjesht. Duket edhe në ndeshjet e këtyre eliminatoreve, pashe Holandën dje me Lituaninë që fitoi 3-2. Por nesër besoj se do të jetë ndryshe, na duhen tre pikët që të kemi shanse për kualifikim, e kemi vetë në dorë ende dhe ajo që është gjëja e rëndësishme.
    Mesazhi është që do japim 100% që të realizojmë apo kemi në dorë ëndrrën siç kemi kaluar për dy Europianë. Kualifikimi në Botëror do të ishte historik dhe gjë e mirë për Shqipërinë. Mesazhi është që nesër do jemi gati, do japim gjithçka për ato tre pikë, do japim maksimumin dhe ta shijojnë edhe tifozët”, tha Gjimshiti.

  • Gjimshiti në krah të Sylvinho-s ka një mesazh të rëndësishëm për tifozët: Nesër do japim 100%, duam Botërorin

    Gjimshiti në krah të Sylvinho-s ka një mesazh të rëndësishëm për tifozët: Nesër do japim 100%, duam Botërorin

    8 Shtator 2025

    17:00

    Telesport

    Në konferencën e fundit për shtyp një ditë para sfidës ndaj Letonisë, në krah të trajnerit Sylvinho ishte edhe Berat Gjimshiti. Kapiteni i kuqezinjve iu premton tifozëve se nesër do japin 100% në fushë, për të shpresuar akoma tek ëndrra e madhe e Botërorit.
    “Ndeshja që luajtëm ndaj Letonisë atje, nuk ishte ashtu si ne donim. Por, sot nuk është më si para disa vitesh, ku mund të fitosh lehtësisht ndaj kommbëtareve të vogla. Dje pashë Lituani-Holandë 2-3, dhe aty kupton që sa e vështirë është fitorja në këto kualifikuese. Nesër do të jetë një ndeshje ndryshe. Na duhen me çdo kusht 3 pikët për të shpresuar te Botërori. E kemi ende vetë në dorë dhe kjo është e rëndësishme.
    Mesazhi është që nesër do jemi gati, do japim gjithçka për ato tre pikë, do japim maksimumin 100%, të marrim pikët, të kënaqen dhe tifozët”, tha ndër të tjera Gjimshiti.