Në epokën e tri pikëve për fitore, kjo është vetëm hera e dytë që dy skuadra ndodhen në barazim pikësh, pesë javë nga fundi i kampionatit italian. Nëse përfshijmë edhe rastet me një distancë minimale prej një apo dy pikësh (si në sezonin 2021/22, me ndeshje të prapambetur), numri i rasteve ngjitet në katër. Dhe në secilin prej tyre, fundi i kampionatit ka dhuruar ngjarje të paharrueshme. Për Interin, kjo nuk është as hera e parë.
Precedenti më i famshëm lidhet pikërisht me Interin dhe një përballje direkte. Ishte sezoni 1997/98. Zikaltrit e drejtuar nga Gigi Simoni dhe udhëhequr nga “Fenomeni” (Ronaldo) ishin vetëm një pikë larg Juventusit të Lippit, pesë ndeshje nga fundi. Në sfidën e drejtpërdrejtë, goli i Del Pieros, mes shumë polemikave, iu dha bardhezinjve fitoren dhe rrugën drejt titullit.
Një vit më vonë, Lazio dhe Milani ishin protagonistë të një gare edhe më emocionuese. Kuqezinjtë ndoqën hapin e bardhekaltërve dhe në javën e parafundit përmbysën gjithçka: Lazio do të ndalej 1-1 në Firence, ndërsa Milan shkatërroi Empolin dhe më pas siguroi titullin në Perugia.
Sidoqoftë, kuqezinjtë nuk e patën fatin në anën e tyre në sezonin 2004/05, i vetmi para këtij aktualit, ku dy ekipe kryesonin bashkë pesë javë para fundit. Edhe atëherë gjithçka do të vendosej në përballjen direkte. Dhe sërish ishte Juventusi që dominonte skenën. Në javën e 35-të, Del Piero asistoi me roveshiatë dhe Trezeguet shënoi golin që vendosi fatin e kampionatit. Milani do të dorëzohej dhe diferenca finale bëhej 7 pikë.
Në vitin 2010, Interi rikthehet si protagonist, këtë herë për të shkruar historinë. Midis skuadrës zikaltër dhe tripletës qëndronte Roma e Ranierit. Verdhekuqtë do të fitonin sfidën direkte dhe kalonin përpara gjashtë javë nga fundi. Por dy javë më pas erdhi përmbysja e madhe e Interit, që nuk do të ndalej më: “Scudetto”, Kupë Italie dhe Champions League në një sezon të paharrueshëm.
Së fundi, historia do të përsëritej në sezonin 2021/22. Interi ishte dy pikë pas Milanit, por me një ndeshje më pak për shkak të shtyrjes së duelit kundër Bologna për shkak të Covid-it. Ajo ndeshje do të luhej pas javës së 33-të dhe mbaroi me një tragjedi sportive për Inzaghin.
Gafa e portierit Radu do t’i jepte Bologna fitoren dhe Milani nuk fali më. Fitoi katër nga katër ndeshjet e mbetura dhe rrëmbeu titullin. Këtë e kujton “Gazzetta dello Sport”, ndërsa Interi përgatitet për një tjetër fund sezoni që premton dramë, emocione dhe, ndoshta, lavdi.
Tag: fundi
-
Interi në sprintin final të sezonit; nga zemërimi i Ronaldos tek ëndrra e tripletës
-
“Kësaj elite politike po i vjen fundi”, Minxhozi: Partitë e vogla, synojnë “të hanë në trupin” e PD!
Analisti Skënder Minxhori, komentoi fushatën elektorale, dhe zgjedhjet e 11 majit. Gjatë intervistës në emisionin “Real Story” në ABC News, Minxhozi u shpreh se qeveria po arrin të mbahet edhe këtë herë, dhe se kundërshtarin e ka shumë më të vogël. Ndërsa nënvizoi se partitë e vogla, sipas tij po synojnë të marrin nga PD.
“Unë them që ndodhemi në fundin e rrugës. Fundi i rrugës ka kohë që po shpërfaqet. Fundi i rrugës i kësaj elite politike…Fenomeni për shkaqe të kuptueshme nuk ka filluar në atë pjesë të shtëpisë që është në pushtet, por në atë pjesë së shtëpisë së vjetër që është në opozitë. Qeveria ende po mbahet edhe këtë radhë. Ka një pushtet të pakufishëm, kundërshtarin e ka shumë të vogël. Partitë të vogla që synojnë të hanë në trupin e PD. LSI që është avulluar komplet. Partitë e reja po gjejnë hapësira dhe vota të paktën për momentin”, tha Minxhozi. -
“Vdekja s’është fundi i gjithçkaje, por një fillim i ri”/ Kryeministrja Meloni rrëfen bisedën e fundit me Papa Françeskun: Më tha qesh…
Prelatët i dhanë lamtumirën e fundit trupit të Bergoglios, i cili do të transferohet në Shën Pjetri të mërkurën.
Ati i Shenjtë në një tekst të pabotuar shprehej se “vdekja nuk është fundi i gjithçkaje, por një fillim i ri”.
Ceremonia e lamtumirës së Bergoglios duhet të zhvillohet mes të premtes dhe të dielës. Ndërkohë janë publikuar pamjet e para të trupit të Papa Françeskut.
Të mërkurën do të bëhet transferimi për në Shën Pjetri, ku trupi do të qëndrojë i ekspozuar deri të premten për besimtarët për të bërë nderimet e fundit.
Kryeministrja e Italisë, Georgia Meloni tha se takimi i saj i fundit me Papën, ka qenë ditën e hënë, duke zbuluar dhe bisedën mes tyre.
“Të hënën, në takimin e fundit, ai më tha ‘qesh për këtë’. Ishte një këshillë që i pëlqente të ma përsëriste shpesh”, tha ajo.Top Channel
-
Ancelotti-Real Madridi, fundi i një cikli. Pakt xhentëlmenësh për pasuesin e pankinës së bardhë
Ka nisur numërimi mbrapsht për lamtumirën e Carlo Ancelottit nga stoli i Real Madridit. Pas katër ditësh luhet finalja e Kupës së Mbretit, në Seville kundër Barcelonës. Mënyra më e mirë për të marrë hak pas goditjeve të marra nga blaugrana-t këtë sezon dhe për t’u përshëndetur me popullin madrilen me ngritjen e një trofeu. Sepse zërat për një largim të tij të menjëhershëm, pas kësaj ndeshjeje, janë gjithnjë e më të fortë, pavarësisht kontratës që zgjat deri më 2026 dhe Botërorit për Klube për t’u luajtur. Kompeticion që, për hir të së vërtetës, ka qenë që në fillim i pakëndshëm për trajnerin nga Reggiolo. Qershorin e kaluar, ai deklaroi se Real Madridi nuk do të merrte pjesë në të, duke e detyruar klubin të publikonte një komunikatë që e mohonte këtë. Më pas kjo çoi edhe vetë Ancelottin t’i tërhiqte fjalët.
Fundi i një cikli, merkatoja e gabuarFaktikisht, pas 6 viteve si trajner i Real Madridit, të ndara në dy periudha, cikli ka përfunduar. Edhe një mjeshtër i menaxhimit të dhomave të zhveshjes si ai ka pasur vështirësi në një skuadër plot me yje dhe me pak ekuilibër. Merkatoja që ka ndjekur më shumë emrin e madh (Mbappé) sesa nevojat reale të ekipit, në të vërtetë nuk e ka zëvendësuar kurrë Toni Kroos-in, ndërsa Luka Modric po afrohet te të 40-at. Një Real Madrid që ka humbur 4-0 në “Bernabeu” kundër Barcelonës dhe e ka pësuar 5-2 në Superkupë, sërish në “El Clasico”. Skuadra e bardhë është eliminuar në çerekfinalet e Champions League, gjë që nuk ndodhte nga viti 2020. Tashmë ka nisur “valsi i trajnerëve” për pankinën e bardhë. Së fundi është përmendur emri i Jurgen Klopp-it, por favoriti absolut mbetet Xabi Alonso.
Pakti mes xhentëlmenëshTrajneri bask ka qenë prej kohësh në shënjestrën e Real Madridit, i kërkuar gjithashtu nga Liverpool dhe Bayern Munich, tri skuadra ku ka luajtur dhe ka fituar si lojtar. Tri klube për të cilat Bayer Leverkusen është i gatshëm ta lërë të largohet trajnerin spanjoll. Konfirmimi ka ardhur nga Fernando Carro, CEO i klubit gjerman, i cili ka folur për një “pakt xhentëlmenësh”. Asnjë klauzolë në kontratë, thjesht marrëveshje verbale e vulosur me një shtrëngim duarsh. Nëse do të vinte kërkesa nga njëra prej ish-skuadrave të tij si lojtar, Leverkuseni do ta linte të lirë. Koha tashmë duket e pjekur. Alonso, pasi e hoqi nofkën “Neverkusen” nga klubi, duke e çuar për herë të parë në majë të Gjermanisë dhe mbi të gjitha pa asnjë humbje, vendosi të qëndrojë edhe një vit për të tentuar Champions League. Marrëdhëniet mes Leverkusenit dhe Real Madridit janë të shkëlqyera, deklaroi Carro: “Dhe nëse ka diçka për të diskutuar, do ta diskutojmë”. Koha duket e duhura… -
Barcelona, çfarë “asisti” nga La Liga për sfidën e dyfishtë kundër Interit
18 Prill 2025
14:02
Alfred Lleshi
Gjithçka në 16 ditë për tripletën sezonale. Fundi i sezonit për Interin dhe Barcelonën është “zjarr” i vërtetë. Të dyja ekipet janë ende në garë për të tre trofetë sezonalë dhe do të përballen mes tyre në gjysmëfinalet e Ligës së Kampionëve më 30 prill e 6 maj. Në këtë sprint final, katalanasit kanë marrë së fundi një “asist” të çmuar nga La Liga, që pritet të ndikojë pozitivisht në përgatitjet e tyre për ndeshjet me zikaltrit.
Pas eliminimit të Real Madridit nga Arsenali, kampionati spanjoll ka vendosur ta zhvendosë ndeshjen e Barcelonës kundër Valladolidit nga e diela në të shtunë, në orën 21:00. Ndërkohë, Real Madridi do të luajë të dielën në orën 14:00.
Ky ndryshim i jep Barcelonës të njëjtat ditë pushimi që do të ketë edhe Interi, i cili sipas ‘Lega Serie A’ do të luajë kundër Veronës të shtunën, më 3 maj, në orën 20:45. Një tjetër ngjashmëri në një fund sezoni pothuajse identik për të dyja ekipet, edhe pse katalanasit, të parët në La Liga me 4 pikë avantazh ndaj Real Madridit dhe finalistë të Kupës së Mbretit, duken se kanë një kalendar edhe më të vështirë sesa skuadra e Inzaghit.
-
“Non grata nuk shpëtohet me marketing”, Ngjela ironizon PD dhe LaCivitën: Dosjes ‘Partizani’ po i vjen fundi
Avokati Spartak Ngjela tha sot për një emision televiziv se taktikës së zvarritjes së seancës paraprake të aferës në dosjen ‘Partizani’, ku i pandehur është Sali Berisha, dhëndri i tij, Jamarbër Malltezi dhe 3 të tjerë, po u vjen fundi dhe do kalojë në proces.
Ish-deputeti bën përgjegjës avokatët e të akuzuarve si shkaktarë të kësaj zvarritjeje mbi 6-mujore të çështjes që nuk duhet të kishte marrë më shumë se një muaj kohë sipas procedurës penale.
“E kanë zvarritur avokatët, ata e kanë pas deri tani në dorë, kjo është e fundit, ka ardhur në fund. Nëse ata e zvarrisin më, dështon Gjykata, i mbetet asaj. Por besoj është në fund, do zgjidhet. Kur është, nesër, mendoj se do shkojë drejt fundit”, u shpreh avokati mes të tjerash.
Ngjela u pyet nga moderatori Arbër Hitaj edhe për konsulentin e fushatës së PD-së, Chris LaCivita, nëse e ka forcën që t’ia heqë ‘non gratën’ Berishës dhe ta ndihmojë që të fitojë zgjedhjet.
“LaCivita nuk ka ardhur për lobim, por për PD-në, për zgjedhjet, e ka marrë, e ka paguar si frengu pulën, por jo se do ta shpëtojë, nuk ia heq dot non gratën. E ka vendosur Amerika. Kini parasysh këtë, a mund të vij një amerikan i nivelit normal të shpëtojë një ‘non grata’ në Amerikë? Ju merreni me këtë mjekrrën, Amerika e di çdo të thotë non grata, edhe Berisha e di që çfarë do të thotë të jesh non grata. Pra ai është non grata në të gjithë Perëndimin”, nënvizon Ngjela. -
Rama: 11 maji është fundi i historisë sonë jashtë Evropës, nuk mund ta humbasim për mustaqet e Kujtim Gjuzit
Ka nisur takimi i kryesocialistit Edi Rama me emigrantët shqiptarë në Milano, i cili po zhvillohet në Centro Congressi.
Rama tha se 11 maji është fundi i historisë së Shqipërisë jashtë Evropës, që sipas tij nuk mund ta humbasim as për mustaqet e Kujtim Gjuzit as për bufin që fshihet nën mustaqet e tij.
“Është hera e parë në historinë e zgjedhjeve që dhe ju dhe të gjithë shqiptarët jashtë kufijve do të kenë mundësi të zgjedhin pa patur nevojë të vinë në Shqipëri.
Jemi ne që vijmë te ju, më vjen mirë që dhe këtë sic zotuam në krye të herës e bëmë realitet dhe tani cdo shqiptar e shqiptare që do të shprehet.
Ishte thënë që në të parat zgjedhje, fati ynë fati I shqiptarëve të na sillte në një zgjedhje që është zgjedhje përfundimtare me historinë. Duke na dhënë ne shansin që me një votë tja ndryshojmë rrjedhën historisë.
Këto zgjedhje janë si një udhëkryq mes një votimi, për partinë që do udhëheqë 4 vite dhe një votim historik për një parti që mund ta bëjë Shqipërinë, zonjë anëtare të BE.
Për herë të parë ne e kemi në dorë vetë fatin evropian të Shqipërisë. Është fundi I historisë sonë jashtë Evropës
Nuk mund ta humbasim as për mustaqet e Kujtim Gjuzit as për bufin që fshihet nën mustaqet e tij”, tha Rama. -
Rama nga Milano: Ky është fundi i historisë tonë jashtë Evropës
Kryeministri i Shqipërisë, Edi Rama, njëherësh kryetar i PS ka zhvilluar ditën e sotme në Milano një takim me shqiptarët që jetojnë dhe punojnë në Itali.
Rama tha se fundi i historisë së Shqipërisë jashtë Evropës merr fund në 11 maj. Ai theksoi se shqiptarët sot janë më mirë se kurrë, ndërsa ftoi gjithë qytetarët me të drejtë vote vbrenda dhe jashtë vendit të votojnë PS.
“Ky është fundi i historisë tonë jashtë Evropës dhe para nesh kemi vetëm një datë 11 Majin. Dhe më pas kemi 4 vjet për të fituar bastin historik me Evropën për Shqipërinë dhe Shqipërinë për Evropën. Të dashur miqtë e mi, sot është dita e shqiptarëve. Shqiptarët sot janë më mirë seç kanë qenë kurrë më parë në hisotorinë e tyre në aspektin e pozicionit dhe figurës që kanë ndërkombëtarisht por sot është po ashtu dita e shqiptarëve dhe ky është muaji i ndarë mes prillit dhe majit dhe kjo është dekada e ardhjes së fatit evropian tamam këtu në dorën tonë, që kurse ne dolëm nga ferri komunist dhe BE na ka vënë një plan të dakordësuar që ne të mbyllim të gjithë marrëveshjen e anëtarësimit dhe mbyllur negociatat brenda 2027”, u shpreh Rama. -
ABISSNET SUPERIORE: Mbeten edhe 3 javë nga fundi! Luhet për vendin e katërt dhe mbijetesën
7 Prill 2025
22:11
Telesport
Me derbin Tirana-Partizani, e fituar 3-0 nga bardheblutë është mbyllur edhe java e 33-të për këtë sezon të Abissnet Superiore. Tani mbeten edhe 3 javë nga fundi i sezonit të rregullt.
Në këto 3 javë të mbetura, gara do të jetë për vendin e katërt mes Partizanit dhe Elbasanit, të kuqtë kanë një pikë më shumë se verdheblutë. Treshja e parë nuk ndryshon, Egnatia dhe Dinamo e kanë siguruar zyrtarish pjesëmarrjen në “Final Four”, Vllaznisë i duhet vetëm një fitore për të siguruar zyrtarisht vendin në fazën finale.
Gara e vërtetë do të jetë për pjesën tjetër të tabelës, ku 5 ekipe do garojnë deri në fund për mbijetesë. 2 të fundit do përfundojnë në Kategorinë e Parë, vendi i tetë shkon në Play-off.