Tag: flemë

  • Pesë arsye të rëndësishme shëndetësore se pse duhet të flemë në anën e majtë

    Pesë arsye të rëndësishme shëndetësore se pse duhet të flemë në anën e majtë

    Zakonet e gjumit janë të vështira për t’u ndryshuar nga një ditë në tjetrën. Disa njerëz këmbëngulin të flenë përmbys, të tjerë ndihen rehat me shpinë dhe të tjerë i ndërrojnë pozicionet me lehtësi.

    Megjithatë, ekzistojnë pesë arsye të rëndësishme shëndetësore pse duhet të përpiqemi të flemë në anën e majtë.
    Shkencëtarët kanë arritur në përfundimin se ky pozicion na mbron nga refluksi gastroezofageal, pasi në këtë mënyrë stomaku ynë mbetet poshtë ezofagut dhe lëngjet gastrike kanë më pak gjasa të ngrihen lart, duke shkaktuar atë ndjesi shumë të pakëndshme djegieje.

    Për më tepër, të fjeturit në anën e majtë ndihmon shpretkën të funksionojë siç duhet, e cila merr më shumë gjak dhe, për këtë arsye, funksionon më mirë, duke filtruar gjakun dhe duke metabolizuar hekurin.
    Në përgjithësi, sistemi ynë limfatik përfiton nga të fjeturit në anën e majtë, gjë që forcon imunitetin e trupit tonë.
    Një organ tjetër që përfiton nga ky pozicion gjumi është mëlçia, e cila kryen të gjithë detoksifikimin që i nevojitet trupit tonë. Kur flemë në anën e djathtë, pengojmë funksionin e saj dhe për këtë arsye mund ta rëndojmë shëndetin tonë pa dashur.
    Të fjeturit në anën e majtë ka gjithashtu përfitime të konsiderueshme për funksionin e zemrës, të cilat mund t’i përmirësojmë edhe gjatë gjumit!
    Së fundmi, në rastin e grave shtatzëna, veçanërisht atyre në tremujorin e tretë të shtatzënisë, të fjeturit në anën e majtë ndihmon në zbrazjen e shpejtë të stomakut, duke zvogëluar ënjtjen dhe duke nxitur qarkullimin e mirë të gjakut.

  • Pse zgjoheni gjithmonë të lodhur dhe çfarë të bëni në lidhje me këtë

    Nuk ka asgjë më frustruese sesa të zgjohesh në mëngjes duke u ndjerë më i lodhur se natën e kaluar, edhe pse ke fjetur shtatë deri në tetë orë. Nëse nuk ndihesh i pushuar ose plot energji në mëngjes, diçka nuk shkon patjetër. Lexoni më poshtë për disa nga arsyet më të zakonshme që çojnë në mungesë pushimi dhe çfarë mund të bëni për të përmirësuar cilësinë e gjumit tuaj.

    “Ka shumë arsye pse ndihemi të lodhur, por kjo nuk do të thotë që gjithmonë duam të flemë”, thotë Jennifer Martin, MD, profesoreshë e mjekësisë në Universitetin e Kalifornisë, Berkeley. “Këto mund të përfshijnë dhimbje kronike, sindromën metabolike, mosfunksionimin e tiroides dhe sëmundjen kronike obstruktive pulmonare. Nëse ndjeni lodhje të pashpjegueshme, mund të dëshironi të vizitoni mjekun tuaj dhe mund të provoni një orar të ndryshëm gjumi, pasi tetë orët e rekomanduara mund të mos jenë të mjaftueshme për ju. Mund të shkoni në shtrat më herët ose të zgjoheni një orë më vonë dhe të shihni nëse kjo funksionon për ju . ”

    Ekspozimi ndaj dritës blu

    Të gjithë e dimë se ekspozimi ndaj dritës së ekranit nuk është gjëja më e mirë për të bërë para gjumit. Megjithatë, shpesh gjëja e fundit që shohim para se të flemë është ekrani i telefonit tonë. “Përdorimi i telefonave, tabletave, kompjuterëve ose televizorit shumë afër kohës së gjumit mund të pengojë çlirimin e melatoninës, hormonit të gjumit, dhe kështu të na bëjë të zgjohemi. Gjëja më e mirë që mund të bëjmë është të fikim pajisjet tona elektronike një orë para gjumit dhe të flemë në një dhomë të errët dhe jo shumë të ngrohtë”, thotë Dr. Peter Polos, anëtar i Akademisë Amerikane të Mjekësisë së Gjumit.

    Ankth ose depresion

    “Stresi dhe depresioni janë jashtëzakonisht të dëmshëm për shëndetin tonë, si dhe për gjumin tonë. Ato ndikojnë negativisht në kohën që na duhet për të rënë në gjumë, por edhe në sa shpesh zgjohemi gjatë natës. Në fakt, është treguar se, ndonjëherë, trajtimet për ankthin ose depresionin mund të shkaktojnë pagjumësi ose të bllokojnë fazat më të thella të gjumit”, vëren eksperti i gjumit dhe profesori i asociuar i mjekësisë në Universitetin e Kalifornisë, Dr. Raj Dasgupta.

    Jetë sedentare

    “Nëse trupi juaj është mësuar të prodhojë dhe shpenzojë nivele të ulëta energjie, për shkak të një stili jetese që nuk përfshin punë manuale ose ushtrime, atëherë mund të lodheni shumë shpejt kur kryeni aktivitete themelore të përditshme”, thotë Dr. Jennifer Martin. Organizata Botërore e Shëndetësisë rekomandon që të rriturit të bëjnë të paktën 2 orë aktivitet fizik të moderuar deri në të fuqishëm në javë.

    Konsumimi i ushqimit të rëndë ose alkoolit

    Kur flemë, sistemi përgjegjës për pushimin dhe tretjen aktivizohet në trup. Megjithatë, nëse, për shembull, konsumoni alkool, ushqime të rënda ose kafeinë afër kohës së gjumit, atëherë është e mundur që trupi juaj të ketë vështirësi në metabolizimin e ushqimit, duke u përqendruar në tretje dhe do të qëndroni zgjuar më gjatë se normalja. “Shmangni të ngrënit për të paktën dy orë para gjumit. Dhe nëse nuk e duroni dot, preferoni ushqime të lehta që treten lehtë. Ushqimet e rënda ose pijet alkoolike dhe kafeja kanë shumë të ngjarë ta pengojnë trupin tuaj të hyjë në fazat e gjumit REM, që është kur jemi plotësisht të pushuar“, sugjeron Robin M. Tucker, Ph.D., profesoreshë e asociuar e të ushqyerit dhe shkencës ushqimore në Universitetin e Miçiganit.

  • Sa orë gjumë është normale të flemë në ditë? Këshillat sipas grupmoshave

    Sa orë gjumë është normale të flemë në ditë? Këshillat sipas grupmoshave

    Fjetja aq orë sa duhet, është themelore për të pasur një shëndet të mirë. Por sa kohë duhet të flemë të gjithë ne saktësisht? Për të pasur një ide më të qartë, është “National Sleep Foundation”, një organizatë jo-fitimprurëse në SHBA e cila është përgjegjëse për promovimin u gjumit për një jetesë të shëndetshme.
    Kjo organizatë ka nxjerrë një udhëzues sipas të cilit propozohet sasia e duhur e pushimit për çdo grupmoshë.
    Këshillat:

    Bebet 0-3 muaj
    Rekomandohet 14 deri në 17 orë gjumë;
    Nga 4 deri në 11 muaj
    Rekomandohet 12 deri 15 orë gjumë;
    1-2 vjeç
    Rekomandohet 11 deri në 14 orë gjumë;
    3-5 vjeç
    Rekomandohet 10 deri në 13 orë gjumë;
    6-13 vjeç
    Rekomandohet 9-11 orë gjumë;
    14-17 vjeç
    Rekomandohet 8-10 orë gjumë;
    18-25 vjeç
    Rekomandohet 7-9 orë gjumë;
    26-64 vjet
    Rekomandohet 7-9 orë gjumë;
    Mbi 65 vjeç
    Rekomandohet 7-8 orë gjumë;