Lajmidites.com

Tag: berisha

  • Berisha: Beteja për votën e lirë, prevalon mbi të gjitha. Këta kanë rikthyer kohërat më të zeza elektorale për shqiptarët

    Berisha: Beteja për votën e lirë, prevalon mbi të gjitha. Këta kanë rikthyer kohërat më të zeza elektorale për shqiptarët

    Kreu i Partisë Demokratike, Sali Berisha, ka theksuar në fjalën e tij në konferencën e me gazetarët se beteja për votën e lirë është prioriteti i tij dhe se asgjë nuk mund ta ndalë PD-në në këtë përpjekje.

    Ai e cilësoi situatën elektorale aktuale si rikthim të periudhave më të errëta për shqiptarët, duke sjellë shembuj të manipulimeve të votave, si rasti në Vorë ku një kandidat fitoi dhjetëfish më shumë vota se i dyti.

    Pjesë nga fjala e liderit të PD:

    Janë dy gjëra krejtësisht të ndryshme, të palidhura me njëra me tjetrën. Beteja për votën e lirë, është betejë që prevalon mbi të gjitha. Asgjë, nuk mund të ndalë PD-në në këtë betejë.

    E patë vetë, kutitë 100%. Koreja e Veriut, Blendi Gonxhja në Vorë, 5500 vota. I dyti mbas tij, 500 vota. Dhjetë fish më shumë.

    Këta kanë rikthyer kohërat më të zeza elektorale për shqiptarët.

    Shqiptarët do ju përgjigjen këtyre. Faleminderit!

  • “U diktuan nga bandat dhe krimi”/ Kreu i PD-së, Berisha, nuk njeh rezultatin e zgjedhjeve…

    “U diktuan nga bandat dhe krimi”/ Kreu i PD-së, Berisha, nuk njeh rezultatin e zgjedhjeve…

    Kreu i PD-së, Sali Berisha, nuk njeh rezultatin e zgjedhjeve të 11 majit.
    Sali Berisha:
    Zgjedhjet u diktuan nga krimi. Bandat kriminale të qeverisë ishin aktive në 10 qarqe te Shqipërisë në 20 bashki të vendit dhe ato patronuan 30 deputetë të mazhorancës kriminale. Në Vorë banda e Xhabaftit ndikoi në mënyrë të dhunshme vullnetin e qytetarëve.

  • Pas humbjes së zgjedhjeve, Berisha nuk njeh rezultatin: Protestë ditën e Samitit të Komunitetit Politik Europian

    Pas humbjes së zgjedhjeve, Berisha nuk njeh rezultatin: Protestë ditën e Samitit të Komunitetit Politik Europian

    Sali Berisha po përgatit skenarin e mosnjohjes së zgjedhjeve. Ai paralajmëroi antimiting në ditën e Samitit të BE në Tiranë, më datë 16 maj, ora 17:00.
    “Votat e diasporës janë të manipuluara. Thirrja ime për komisionerët është që të numërojnë çdo votë në dëshmi të respektit tonë të palëkundur, ndaj atyre që në kushte terrori kanë votuar për opozitën, të regjistrojnë çdo parregullsi. Libri i zi i këtyre zgjedhjeve shkruhet më datë 16 në orën 17:00 në Bulevardin Zogu I, për të sensibilizuar opinionin publik ndërkombëtar të përbindëshit Edi Rama, që nuk respekton asnjë ligj për zgjedhjet. Protesta do jetë paqësore.
    Protesta e 16 majit, është një protestë e këtij populli, që votën ia diktoi revolja siç ndodhi në Peshkopi, që ia diktuan bandat. Një narkodiktator nuk lejon, por përdor çdo mjet të mundshëm për të vjedhur votën, ka krijuar shtetin monstruoz para jush dhe gjithë botë. Do të formulohet e gjithë strategjia, por zgjedhje të cilat bien në mënyrë të tillë nuk ka parë toka. Të japësh licenca për rritjen e miliona rrënjëve kanabis për votën, të aktivizosh bandat, të bësh thirrje për konflikt dhe destabilizim. Por, lufta jonë është për votë, nuk e pranojmë kurrë.” u shpreh Berisha.

  • A do të japë dorëheqjen, Berisha pas goditjes së rradhës që i dha opozitës?/ Berisha: Asgjë nuk mund ta ndalë PD në…

    A do të japë dorëheqjen, Berisha pas goditjes së rradhës që i dha opozitës?/ Berisha: Asgjë nuk mund ta ndalë PD në…

    Në këtë atmosferë zgjedhjesh, Kreu i PD, Sali Berisha doli në një deklaratë për mediat me gazetarët. Pasi doli me një humbje të thellë nga zgjedhjet e 11 majit, Sali Berisha u pyet nga gazetarët se kush do ta udhëheqë betejën për ‘votën e lirë’, ndërkohë që statuti i PD parashikon që pas shpalljes së rezultatit të zgjedhjeve të përgjithshme për Kuvendin, partia nuk rezulton forcë fituese qeverisëse, mandati përfundon menjëherë dhe automatikisht për kryetarin.“Këtë betejë, gjer në fitore ai që e nisi dhe do ta bitisë…,Beteja për votën e lirë. Prevalon mbi të gjitha. Asgjë nuk mund ta ndalë PD në këtë betejë”, tha Berisha.

  • Berisha nuk pranon zgjedhjet: Protestë në ditën e Samitit të Europës tek Bulevardi ”Zogu i Parë”

    Berisha nuk pranon zgjedhjet: Protestë në ditën e Samitit të Europës tek Bulevardi ”Zogu i Parë”

    Sali Berisha nuk pranon zgjedhjet parlamentare të 11 Majit dhe akuzon Partinë Socialiste se ka fituar falë krimit dhe manipulimit. Nga ana tjetër, kreu i PD-së ka folur për një protestë që do të mbahet në Bulevardin ”Zogu i Parë” në ditën kur në Tiranë do të mbahet Samiti i Europës, më 16 maj.
    ”Kurrë ndonjëherë bandat nuk kanë prurë kaq shumë përfaqësues të tyre në Parlamentin shqiptar sa në këtë Parlament. Nga veriu në jug, nga lindja në perëndim. Mund t’u them ju, se në Durrës, bandat punonin për deputetë të veçantë. Këto ishin zgjedhje që u sunduan si asnjëherë më parë nga vrasës, serial killer, trafikantë, dhunues, përdhunues.

    Libri i zi i këtyre zgjedhjeve shkruhet në datën 16 në Bulevardin ”Zogu i Parë” për të sensibilizuar opinionin publik botëror mbi krimet monstruoze të përbindëshit elektoral Edi Rama, që nuk respekton asnjë rregull dhe asnjë ligj kombëtar për zgjedhjet. Protesta do të jetë paqësore.
    Garantoj se s’do të ketë probleme që të cenojë në shkallën më të vogël sigurinë e dijetarëve që vijnnë, por që ata të mësojnë se kanë qenë të ftuar nga një narkodiktator që nuk njeh ligj e as moral pëer votën e vullnetin e qytetarëve të tij”,-tha Berisha.
    Pra Berisha nuk njeh zgjedhjet.

  • Berisha flet për dorëheqjen: Statuti do të respektohet, por…

    Berisha flet për dorëheqjen: Statuti do të respektohet, por…

    Kreu i PD, Sali Berisha deklaroi se statuti i partisë për dorëheqjen e kryetarit në rast të humbjes së zgjedhjeve, do të respektohet. “Por ka një parim, është ai i votës së lirë”, tha Berisha në konferencë për mediat.
    Në një dalje për mediat, Berisha akuzoi Ramën për manipulim të zgjedhjeve dhe blerje masive votash, duke u shprehur se ”një javë para zgjedhjeve, Rama u damkos si njeri që blen vota me para, kanabis dhe punësime”.

    Ai e përshkroi Ramën si të zhytur në “krime të tmerrshme”, që sipas tij, janë arsyeja pse kryeministri “do bëjë çdo gjë për të mbajtur pushtetin”. Berisha theksoi se Partia Demokratike do të vijojë betejën për rikthimin e integritetit të procesit zgjedhor dhe respektimin e vullnetit të qytetarëve.

  • Berisha: 99% e të dënuarëve votuan PS, rroftë partia që na burgosi

    Berisha: 99% e të dënuarëve votuan PS, rroftë partia që na burgosi

    Sali Berisha ka komentuar që 99% e të dënuarëve votuan për PS-në në zgjedhjet parlamentare të 11 Majit. ”A e morët vesh ju sesa votuan në burgje? Ministri i Brendshëm të gjitha votat me Ermonela Felon i kanë në burg. A ka vend në botë që votohet ministri i Brendshëm përveçse në Shqipëri, se është bandit si ata. Ministri i Brendshëm votohet në burg si ylli i të burgosurve, 99% e të burgosurve votojnë PS, rroftë partia që na burgosi. Kjo është Koreja e Veriut. Beteja për votën e shqiptarëve është betejë absolute, do të jetë fitimare”.

  • Berisha paralajmëron protestë në Tiranë ditën e Samitit të BE: Zgjedhjet u vodhën!

    Berisha paralajmëron protestë në Tiranë ditën e Samitit të BE: Zgjedhjet u vodhën!

    Kryetari i Partisë Demokratike, Sali Berisha, ka dalë sot në një konferencë për mediat pas qartësimit të rezultatit të votimit në zgjedhjet parlamentare të 11 Majit, ku ka deklaruar se procesi zgjedhor është vjedhur dhe ka njoftuar një protestë të madhe të opozitës që do të mbahet në ditën e Samitit të BE-së në Tiranë. Në përgjigje të interesit të gazetarëve, Berisha mohoi se planifikon dorëheqjen nga drejtimi i PD.
    Denoncimet për zgjedhjet
    Berisha e cilësoi procesin zgjedhor të 11 Majit si “zgjedhjet më të grabitura, më të plaçkitura dhe më të dhunuara në tërë historinë elektorale të Shqipërisë pluraliste”. Sipas tij, zgjedhjet “u diktuan që të gjitha nga krimi”. Ai deklaroi se banda kriminale të qeverisë ishin “aktive në 10 qarqe të Shqipërisë, në 20 bashki të vendit” dhe “patronuan 30 deputetë të mazhorancës kriminale”.
    Si shembull konkret të kësaj, Berisha përmendi “skenat në Vorë, ku banda e Xhabaftit diktoi në mënyrë të dhunshme vullnetin e qytetarëve të Vorës”, duke shtuar se në këto zgjedhje, Blendi Gonxhe të cilin e cilësoi si “kryebanditi Blendi Xhabafti, mori vota dhjetë herë më shumë se kandidati i dytë në lista”. Ai shtoi se skena të ngjashme ishin të zakonshme në një seri qarqesh dhe bashkish të tjerë, si Durrës, Peshkopi, Elbasan, Fier dhe zona të tjera, ku, sipas tij, bandat punonin për deputetë të veçantë. Berisha shkoi më tej duke pretenduar se këto zgjedhje “u sunduan si asnjëherë më parë nga vrasës, seria killera, trafikantë, dhunues, përdhunues”.
    Akuzat e Berishës u shtrinë edhe te blerja masive e votës. Ai përmendi si raste “blerjen publike më masive në tërë historinë”, përfshirë “zarfin me 100 euro, i dërguar në mes të fushatës elektorale” dhe “amnistinë prej 200 milionë euro gjoba dhe kamata nga viti 2015 deri në vitin 2025”. Gjithashtu, ai përmendi licencimin e dhjetëra mijëra hektarëve kanabis, fitimi i të cilit sipas tij u përllogarit “për blerje votash në mënyrën më të pamëshirë”, si dhe “punësimi, punë për votë, u aplikua masivisht”.
    Berisha denoncoi edhe atë që ai e quajti “sistemi kriminal i patronazhistëve”, të cilin e cilësoi si “një polici terroriste, ndaj zgjedhësve shqiptarë”, e futur “në strofulla ose rreth qendrës së votimit”. Një akuzë tjetër e rëndë ishte ajo ndaj Shërbimit Informativ Kombëtar, ku sipas Berishës, “dy drejtuesit më të lartë… zëvendës të drejtores, u morën javët e para me të gjithë regjistrat e rrjetit agjenturor të Sigurimit të Shtetit dhe e aktivizuan atë për karrigen e Edi Ramës duke shkelur ligj dhe çdo gjë”.
    Krimi elektoral, sipas Berishës, ishte “po kaq monstruoz në diasporë”. Ai përmendi si shembull “kutinë e Beratit për diasporën dilte PS 99.6 përqind”, duke e krahasuar këtë me Korenë e Veriut. Ai pretendoi se nga Greqia, pas vizitës së një individi të cilësuar prej tij si “krimineli Balla”, kanë ardhur 6 mijë zarfe “të gjitha të manipuluara”.
    Në këtë kontekst, Berisha u bëri thirrje të gjithë komisionerëve të opozitës që, pavarësisht punës me vetëmohim, “të numërojnë çdo votë në dëshmi të respektit tonë të palëkundur ndaj atyre që në kushte terrori kanë votuar për opozitën” dhe “të regjistrojnë dhe të mbajnë shënim çdo parregullsi”.
    Protesta
    Pika kulmore e deklaratës së Berishës ishte njoftimi për protestën. Ai tha se “libri i zi i këtyre zgjedhjeve shkruhet me datën 16 në ora 17:00 në Bulevardin e Parë”. Qëllimi i kësaj proteste, sipas Berishës, është “të sensibilizojë opinionin publik botëror mbi krimet monstruoze të përbindëshit elektoral Edi Rama, që nuk respekton asnjë rregull, asnjë ligj kombëtar dhe ndërkombëtar për zgjedhjet”.
    Berisha theksoi se protesta “do të jetë paqësore”. Ai garantoi se “nuk do ketë probleme që të cenojnë në shkallën më të vogël sigurinë e dinjitarëve që vijnë”, duke iu referuar me gjasa pjesëmarrësve në Samitin e BE-së. Megjithatë, ai bëri të qartë se mesazhi për ta është se “kanë qenë të ftuar nga një narkodiktator që nuk njeh ligj as moral për votën dhe vullnetin e qytetarëve të tij”. Berisha e cilësoi këtë si “fillimi i një beteje që s’ndalet më”.
    A do largohet Berisha nga drejtimi i PD?
    Kryedemokrati Berisha la të kuptohet se nuk do të japë dorëheqjen nga drejtimi i Partisë Demokratike pas humbjes në zgjedhje.
    Në konferencën për median, Berisha u  pyet nëse “betejën e votës së lirë të shqiptarëve” ai do e udhëheqë vetë në krye të PD-së apo do ketë një lidership të ri.
    Në përgjigje, ai konfirmoi se nuk po planifikon dorëheqjen nga posti i kryetarit të PD.
    “Këtë betejë kush e nisi do e bitisi”, tha ai.

  • A do të japë dorëheqjen si kryetar i PD pas humbjes në zgjedhje? Ja si përgjigjet Berisha

    A do të japë dorëheqjen si kryetar i PD pas humbjes në zgjedhje? Ja si përgjigjet Berisha

    Kreu i Partisë Demokratike duket se i ka dhënë përgjigje shteruese pyetjes që gazetarët i kanë bërë që prej zbardhjes së rezultatit të zgjedhjeve të 11 majit, se a do të largohet nga kreu i PD pas humbjes në këto zgjedhje.
    Në një konferencë për mediat të martën Berisha u përgjigj se betejën për fitoren e PD do ta çojë në fund njeriu që e nisi, pra ai vetë.
    “Këtë betejë deri në fitore, ai që nisi do ta bitisi”, iu përgjigj Berisha interesimit të mediave.
    Lexo edhe:
    Berisha paralajmëron protestë në Tiranë ditën e Samitit të BE: Zgjedhjet u vodhën!

  • Humbja dramatike e PD, Berisha paralajmëron protestë në 16 maj, ditën e Samitit të Komunitetit Politik Evropian në Tiranë

    Humbja dramatike e PD, Berisha paralajmëron protestë në 16 maj, ditën e Samitit të Komunitetit Politik Evropian në Tiranë

    Sali Berisha: Nga veriu në jug nga lindja në Perëndim, Ju them që në rrethin e DUrrësit bandat punonin oër deputetë të veçantë, tjetër Balla, tjetër ky, e tjetër ai. Dhe jo më pak në Elbasan kjo skemë, po këshut në Fier, Mallakastër. Pra këto ishin zgjedhje që u sunduan si asnjëherë më parë nga vrasës, serial killer, trafikant, dhunues e përdhunues.
    Zgjedhjet e 11 Majit u karakterizuan nga blerja publike më masive në tërë historinë e zgjedhjeve në Shqipëri, zarfi 100 euro i dërguar në mes të fushatës elektorale dhe amnistia për gjobat, është blerja publike më e fuqishme që ka ndodhur në historinë e vendit.
    Dhjetëra mijëra hektarë kanabis që u dhanë licensat për tu mbjellë. Çdo bimë kanabis ka qenë e përllogaritur për blerje votash.
    Punësimi, punë për votë u aplikuar masivisht në këtë zgjedhje. Sistemi kriminal i patronazhustëve i futur rreth qendrave të votimit ishte një polici terroriste ndaj zgjedhësve shqiptarë.
    Dy drejtorë të lartë të SHISH u morën me të gjithë regjistrat e sigurimit të shtetit dhe e aktivizuan për karrigen e Edi Ramës. Po evidentojmë me shumë përgjegjësi krimin elektoral, është po kaq monstruoz në diasporë.
    Në kutinë e Beratit, PS filte 99.6%, kemi të bëjmë me Korenë e Veriut. Kjo është e vërteta. Thirrja ime për të gjithë komisionerët që po bëjnë punë me votëmohim të numërojnë çdo votë. Të mbajnë shënim çdo parregullsi.
    Libri i zi i këtyre zgjedhjve shkruhet më 16 Maj në orën 17:00 në Bulevarin Zogu i Parë për të sensibilizuar opnionin publik botëror mbi krimet montroz të përbindëshit elektoral Edi Rama që nuk respekton asnjë rregull, asnjë ligj kombëtar e ndërkombëtar. Protesta do të jetë paqësore, garantojnë se nuk do të ketë probleme që të cenojnë në shkallën më të vogël sigurinë e atyre që vijnë, por duam që të mësojnë se kanë qentë të ftuar nga një narkodiktator.

  • ‘Zgjedhjet u vodhën’/ Berisha PARALAJMËRON: Protestë më 16 maj!

    ‘Zgjedhjet u vodhën’/ Berisha PARALAJMËRON: Protestë më 16 maj!

    Sali Berisha

    TIRANË- Kreu i Partisë Demokratike, Sali Berisha duket se nuk ka ndërmend që të japë dorëheqjen pas zgjedhjeve parlamentare të 11 majit. Sot zbuloi se për të, hapi i radhës është zhvillimi i protestave për kundërshtimin e rezultatit me pretendimin se votimet nuk ishin të lira. Kështu, tubimi i parë do të mbahet më 16 maj, ditë që përkon me Samitin me liderët e vendeve të Bashkimit Europian, të cilët do të vijnë në Shqipëri. Sipas kryedemokratit Berisha, ata janë personat që duhet të mësojnë se në Shqipëri nuk ka pasur zgjedhje të rregullta, por të diktuara nga bandat dhe grupet kriminale.
    “Ne nuk bëhet fjalë kurrë që të pajtohemi me këto zgjedhje. Jo ta harrojnë. Ne kemi bërë gjithçka në përputhje me ligjin sa i takonte ne si opozitë, që Shqipëria të ketë zgjedhje. Tani opozita ka detyra që do ti përmbyshë me vendosmëri. Protesta më datë 16 është në emër të një populli, që votën ia dikton Revolja pas kokës, ia dikton Poja, Suel Çela, Bledi Xhabafti, ia diktojnë bandat. Është fillimi i një beteje që nuk ndalon më,”-tha ndër të tjera në fjalën e tij, Sali Berisha.
    Në momentin që nga gazetarët e pranishëm në konferencë iu përmend i ashtuquajturi “Neni Basha”, që dikton dorëheqjen e kreut të partisë në rast se zgjedhjet humben, Berisha tha: PD ka statutin dhe do i përmbahet asaj, por ka disa parime eprore dhe këto parime është vota e lirë e shqiptarëve. Kjo parti vazhdon betejën për votën e lirë të shqiptarëve. Ju jeni dëshmitarë se si në mes të fushatës, 1 javë para zgjedhjeve, në Valencia Edi Rama u damkos si që blen vota me lek, me zarfa, me prokurorime, me kanabis, me punësime. Të gjitha format e blerjes së votës. Ai, ju garantoj unë ju, se nuk ka akt dhe gjë në botë që nuk do ndërmarrë për të mbajtur karrigen sepse është zhytur në krime të tmerrshme. Ka luajtur vetë me votën, me rendin me të gjitha.
    Kështu, la të kuptohet edhe njëherë se dorëheqje nuk do të ketë.
    DEKLARATA E BERISHËS:
    Zgjedhjet e 11 Majit u diktuan që të gjitha nga krimi. Bandat kriminale të qeverisë ishin aktive në 10 qarqe të Shqipërisë, në 20 bashki të vendit dhe ato patronuan 30 deputetë të mazhorancës kriminale. Skenat që ju patë në Vorë, ku banda e Xhabaftit diktoi në mënyrë të dhunshme vullnetin e qytetarëve të Vorës, në të cilat zgjedhje, kryebanditi Blendi Xhabafti, mori vota dhjetë herë më shumë se kandidati i dytë në lista. Kuptoni vetë se si janë zhvilluar zgjedhjet. Por, skena si Vora ishin të zakonshme në një seri qarqesh dhe bashkish të tjerë, Durrës, Peshkopi, Elbasan, Fier dhe zona të tjera. Pra, në çdo aspekt këto ishin zgjedhjet më të grabitura, më të plaçkitura dhe më të dhunuara në tërë historinë elektorale të Shqipërisë pluraliste. Kurrë ndonjëherë bandat nuk kanë prurë kaq shumë përfaqësues të tyre në parlamentin shqiptar sa në këtë parlament. Nga veriu në jug, nga lindja në perëndim. Mund t’u them ju se në rrethin e Durrësit, bandat punonin për deputetë të veçantë. Tjetër Balla, tjetër Dyrmishi, tjetër ky, tjetër ai. Dhe jo më pak në Elbasan kjo skemë. Po kështu në Fier, Mallakastër. Pra, këto ishin zgjedhje që u sunduan si asnjëherë më parë nga vrasës, seria killera, trafikantë, dhunues, përdhunues. Zgjedhjet e 11 Majit u karakterizuan nga blerja publike më masive në tërë historinë e zgjedhjeve në Shqipëri. Zarfi me 100 euro, i dërguar në mes të fushatës elektorale dhe amnistia prej 200 milionë euro gjoba dhe kamata nga viti 2015 deri në vitin 2025, është blerja publike më e fuqishme që ka ndodhur në historinë e vendit. Dhjetëra mijëra hektarë kanabis që u dhanë licencat për t’u mbjellë. Çdo bimë kanabis me prodhim fitimi 1 mijë euro, është përllogaritur për blerje votash në mënyrën më të pamëshirë. Punësimi, punë për votë, u aplikua masivisht në këto zgjedhje. Sistemi kriminal i patronazhistëve, i futur në strofulla ose rreth qendrës së votimit, ishte një polici terroriste, ndaj zgjedhësve shqiptarë. Dy drejtuesit më të lartë të Shërbimit Informativ Kombëtar, zëvendës të drejtores, u morën javët e para me të gjithë regjistrat e rrjetit agjenturor të Sigurimit të Shtetit dhe e aktivizuan atë për karrigen e Edi Ramës duke shkelur ligj dhe çdo gjë. Ne po evidentojmë me shumë përgjegjësi krimin elektoral.Ky krim është po kaq monstruoz në diasporë. Ju e morët vesh besoj, se si në kutinë e Beratit për diasporën dilte PS 99.6 përqind. Pra, kemi të bëjmë me Korenë e Veriut. Kjo është e vërteta. Në qoftë se nga Greqia, ardhja me postë të zakonshme çdo ditë para se famëziu, krimineli Balla të shkonte me hordhinë e patronazhistëve në Greqi, ishte 1000-1300 zarfe, pas dërgimit të kriminel Ballës në Greqi, kanë ardhur 6 mijë zarfe, të gjitha të manipuluara. Ju besoj se po e ndiqni numërimin e votave në diasporë se si ato janë me shenjat më të sigurta të falsitetit dhe manipulimit. Thirrja ime është kjo për të gjithë komisionerët që po bëjnë punë me vetëmohim, të numërojnë çdo votë në dëshmi të respektit tonë të palëkundur ndaj atyre që në kushte terrori kanë votuar për opozitën. Të regjistrojnë dhe të mbajnë shënim çdo parregullsi. Libri i zi i këtyre zgjedhjeve shkruhet me datën 16 në ora 17:00 në Bulevardin e Parë për të sensibilizuar opinionin publik botëror mbi krimet monstruoze të përbindëshit elektoral Edi Rama, që nuk respekton asnjë rregull, asnjë ligj kombëtar dhe ndërkombëtar për zgjedhjet. Protesta do të jetë paqësore. Ne garantojmë se nuk do ketë probleme që të cenojnë në shkallën më të vogël sigurinë e dinjitarëve që vijnë, por duam që ata të mësojnë se kanë qenë të ftuar nga një narkodiktator që nuk njeh ligj as moral për votën dhe vullnetin e qytetarëve të tij.

  • A do të japësh dorëheqje? Berisha s’ka ndërmend: Statuti do të respektohet, por…

    A do të japësh dorëheqje? Berisha s’ka ndërmend: Statuti do të respektohet, por…

    Kryetari i Partisë Demokratike deklaroi se statuti i partisë për dorëheqjen e kryetarit në rast të humbjes së zgjedhjeve, do të respektohet.
    Por sipas tij, ka nje parim, qe eshte vota lire. E thene ndryshe, Berisha mund te mos dorehiqet me pretendimin se ia kane vjedhur votat ne 11 Maj. Apo te dorehiqet dhe te rikandidoje me skenarin se u rizgjodh serish nga vota e demokrateve.
    “Por ka një parim, është ai i votës së lirë”, tha Berisha në konferencë për mediat.

  • Opozita nuk njeh zgjedhjet, Berisha thërret protestë ditën e Samitit: Të çohemi se na vodhën 30 mandate!

    Opozita nuk njeh zgjedhjet, Berisha thërret protestë ditën e Samitit: Të çohemi se na vodhën 30 mandate!

    Sali Berisha ka thirrur militantet e tij ne protest ene 16 Maj. Pikerisht ne kete dite ne Tirane pritet te vijne lideret e Bashkimit Evropian per Samitin Politik.
    Mirepo Berisha tha se kjo proteste do te jete paqesore dhe kerkon t’u tregoje evropianeve se i kane vjedhur 30 mandate.
    Ai u shpreh se PD do te sensibilizoje lideret e BE se ne Tirane i ka ftuar Narko-Diktatori Edi Rama.

  • Asgjë e re nga Sali Berisha: Fituam 82 mandate, por na i vodhën 30! Dhunuesit, killerat dhe…

    Asgjë e re nga Sali Berisha: Fituam 82 mandate, por na i vodhën 30! Dhunuesit, killerat dhe…

    Sali Berisha nuk ka habitur askënd me qendrimin e tij gjatë kësaj të marte.
    Duke folur LIVE, ai akuzoi se i kanë vjedhur votat dhe se bandat kanë diktuar listat e Partisë Socialiste.
    Ai akuzoi Blendi Gonxhen dhe zgjedhjet ne Bashkine Vore, si te ndikuara nga grupet kriminale.
    Sali Berisha tha se PD ka fituar 82 mandate, por ia kane grabitur 30 prej tyre.
    “Kryebanditi Blendi Xhabafti mori vota 10 herë më shumë sesa kandidati i dytë në lista. Kuptoni vetë sesi janë zhvilluar zgjedhjet. Skena si Vora ishin të zakonshem në një seri qarqesh dhe bashkish si Durrësi, Peshkopia, Elbasani, Fieri dhe zona të tjera. Pra, në çdo aspekt këto ishin zgjedhjet më të plaçkitura dhe më të dhunuar në tërë historinë elektorale të Shqipërisë pluraliste”

  • Gazetari: PS makineri elektorale, Berisha nuk e çon dot PD-në tek fitorja

    Gazetari: PS makineri elektorale, Berisha nuk e çon dot PD-në tek fitorja

    Teksa numërimi i votave për zgjedhjet e 11 majit vijon, PS është në epërsi ndaj partive të tjera. Për gazetarin Armand Plaka, në një lidhje skype tha se kjo vjen pasi PS është më e organizuar si parti.
    ‘I dëgjuam projeksionet e Ramës dhe besoj se kishim një lloj mosbesimi në lidhje me ato projeksione, po ai edhe në zgjedhje të tjera e ka treguar se ka qenë shumë afër rezultatit. Mund të jenë shumë arsye që kanë cuar në këtë rezultatë. Në mandatin e fundit kemi parë probleme të mëdha me korrupsion dhe një pjesë premtimesh të pambajtura dhe për opozitën ka ardhur koha që ta shoh realitetin pa syze. Po unë besoj se PS ka një organizim të mirë dhe është një makineri elektorale’, tha ai.
    Sipas gazetarit, Berisha nuk e çon dot PD-në te fitorja.
    ‘Berisha nuk e çon në fitore atë parti ka ardhur koha që lideri i saj të gjejë mënyrën dhe ti hap rrugën një lidershipi të ri dhe kjo mund ti shërbejë për një ringritje të vërtetë. Duhet që të largohen figurat e konsumura. Humbi kohë edhe me ato primaret dhe dha mesazhin e gabuar sepse u tha se ne do të zbatojmë rezultatin që do dali nga ato dhe më pas nuk zgjodhën asgjë. Po rezultatet e primareve u injoruan tërësisht’, tha ai.
    Një koment e pati edhe për listata e PS, për të cilën tha se në lista PS futi edhe figura të reja.
    ‘Në këto zgjedhje PS ndoqi një strategji të ndryshme që bëri një lloj rifresikimi në lista. Me arrestimet që ndodhën besimi kishte rënë dhe kjo ishte një mënyrë e mirë që PS mund të bënte’, tha ai.
     

  • Berisha u premtoi lirinë, por ndëshkohet/ Të paraburgosurit në Durrës votojnë PS

    Berisha u premtoi lirinë, por ndëshkohet/ Të paraburgosurit në Durrës votojnë PS

    Kanë dalë rezultatet e paraburguimit të Durrës. Sipas asaj që ka arritur të mësojë gaetarja e ABC Neës, në total kanë votuar 195 të paraburgosur. Nga të cilët 148 kanë votuar për Partinë Socialiste.
    35 të paraburosur kanë votuar për Partinë Demokratike. Pjesa tjetër e ngelur ka votuar në partitë e vogla.

  • Trondit Kreshnik Spahiu: Berisha projekti i përbashkët i Edi Ramës, Ilir Metës, Greqisë dhe Rusisë, ja kujt nuk i…

    Trondit Kreshnik Spahiu: Berisha projekti i përbashkët i Edi Ramës, Ilir Metës, Greqisë dhe Rusisë, ja kujt nuk i…

    Rigels Seliman
    Juristi dhe analisti i njohur, Kreshnik Spahiu ka reaguar ashpër në rrjetet sociale ndaj Sali Berishës, duke e akuzuar si një figurë të diskredituar dhe të përdorur nga kundërshtarët politikë e faktorë të huaj. Teksa ka komentuar disfatën e thellë që Partia Demorkatike duket se po merr në zgjedhjet parlamentare të mbajtura këtë të dielë, Z. Spahiu theksoi se Berisha nuk është më një lider opozitar, por një “projekt i përbashkët” i Edi Ramës, Ilir Metës, Greqisë dhe Rusisë. Ai pretendon se qëndrimi i Berishës në krye të PD-së nuk është në interes të demokratëve, por shërben për të ruajtur pushtetin aktual dhe për të bllokuar ndryshimin.
    Spahiu përmend edhe përfitues të tjerë që sipas tij kanë interes që Berisha të mos largohet: familjarë që kërkojnë ta trashëgojnë partinë, deputetë të servilizuar, oligarkë, analistë të paguar dhe elektorat i paditur. Në këtë analizë të ngarkuar me ironi dhe sarkazëm, ai e përshkruan Berishën si një figurë që shërben më shumë interesave të kundërshtarëve sesa opozitës. Sipas tij, dorëheqja e Berishës si kryetar i Partisë Demokratike do të ishte një akt fisnik, por kjo është diçka që ai nuk e zotëron. Ndërkohë Spahiu mbyll reagimin me një ton denigrues, duke e cilësuar Berishën si “zvarranik” dhe simbol të humbjes së Shqipërisë. Pra ky qëndrim përforcon ndarjet e thella brenda së djathtës dhe sfidon legjitimitetin e lidershipit aktual të PD.
    Ja reagimi i Z. Kreshnik Spahiu në rrjetet sociale
    Zoti Berisha, ju nuk duhet të jepni dorëheqje sepse ty të “duan” të gjithë:
    – të do Edi Rama sepse të ka në projektin e tij për t’ia siguruar mandatin e 5 dhe 6.
    – të duan fëmijët e tu sepse kanë planifikuar ta trashëgojnë si pronë me testament partinë që u krijua studentët e dhjetorit 90 por u privatizua nga ty.
    – të duan deputetët injorantë dhe servilë se ti ju fut emrin në listat e mbyllura të parlamentit.
    – të duan kryetarët e partive të koalicionit sepse s’kanë kokër vote por ke 20 vjet që ti i fut deputetë në lista të sigurta me logo të PD.
    – të do Ilir Meta sepse partia e tij s’ka më elektorat dhe je i vetmi që e mban në pokitik.
    – të do Greqia sepse je e vetmja fije spiunazhi që i ke mbetur për të realizuar projektin e helenizimit të Shqipërisë.
    -Të do Rusia sepse je i vetmi që i kundërvihesh projekteve amerikane në Ballkan
    – të do çdo oligark i Ramës sepse me ty filluan bizneset duke privatizuar Shqipërinë.
    – të do elektorati provincial që s’dinë të shkruajnë shqip dhe emrin ta thonë “lexhendë”
    – të do çdo socialist sepse i motivon më shumë që të bashkohen rreth Edi Ramës dhe mos ju shkojë ndërmend të ndryshojnë votën.
    – të duan disa analistë që ju jep honorare dhe mban me para portalet dhe mediat e tyre.
    Unë ka vite që nuk shoh një politikan ta duan të gjitha palët kaq shumë sa ju Zoti Berisha. Jo, jo ti nuk duhet japësh dorëheqjen sepse ti i duhesh të gjithëve. Me ty fiton Shqipëria sa herë që ti humbet. Ti nuk je burrë të largohesh…. Ti ke frikë të tërhiqesh…. Fundja dorëheqja është për burra fisnikë dhe jo për një zvarranik.

  • Pse humbi PD dhe a duhet të mbajë përgjegjësi Sali Berisha për disfatën, Evi Kokalari zbërthen skemën dhe tregon…

    Pse humbi PD dhe a duhet të mbajë përgjegjësi Sali Berisha për disfatën, Evi Kokalari zbërthen skemën dhe tregon…

    Aktivistja e njohur shqiptaro-amerikane, Evi Kokalari ka shpërthyer me akuza të drejtpërdrejta ndaj Sali Berishës, duke e konsideruar atë përgjegjësin kryesor për humbjen e Partisë Demokratike në zgjedhjet parlamentare. Sipas saj, nuk janë manipulimet e Edi Ramës që rrëzuan PD-në, por mungesa e vizionit dhe dështimi i Berishës për të ofruar një alternativë të besueshme demokratike. Ajo ironizon edhe përfshirjen e strategut amerikan LaCivita, duke theksuar se as ai nuk mundi ta shpëtonte Berishën nga një humbje e pashmangshme. Në një tjetër reagim, Kokalari sulmon ashpër analistin Çim Peka, duke e akuzuar për mbrojtje të hapur të korrupsionit dhe propagandë kundër SPAK. Ajo e cilëson “Syri.net” si zëdhënës të një politike të kalbur dhe dezinformuese, që mbron interesat e një elite të vjetër. Me tone të forta, Kokalari mbështet SPAK-un si e vetmja shpresë për drejtësi dhe pastrim të skenës politike shqiptare.
    Kokalari ironizon Berishën: As LaCivita nuk të shpëtoi dot
    Konkretisht aktivistja e njohur shqiptaro-amerikane, Evi Kokalari ka akuzuar dje drejtpërdrejt kreun e PD Sali Berisha, për humbjen në zgjedhjet parlamentare. Përmes një reagimi në “Facebook”, Kokalari shkruan se faji për humbjen e PD-së nuk është tek manipulimet e Edi Ramës. Ajo shprehet se Berisha humbi sepse nuk i ofroi asgjë demokracisë së vendit ndërsa shton se as LaCivita nuk mundi dot ta shpëtonte. “Masakër elektorale! Sali Berisha nuk humbe se të vodhi vota Rama. Humbe se vodhe ti demokratët nga meritokracia dhe turp që re 13% nga zgjedhjet e 2021!! Të thamë s’ka LaCivita që të shpëton por vazhdo bjeri murit me kokë, se ke marrë një popull në qafë. Gjithsesi, sa të vlen lëkura, e pamë me këtë humbje fatale të demokracisë shterpë që ofron. Prapë nuk e kupton, në 2021 nuk ishe ti shpresa. Isha unë”, shkruan Kokalari.
    Kokalari shpërthen ndaj Çim Pekës: ‘Strategu i Hasit’ na e ka shpifur
    Ndërkohë në një reagim të dytë në rrjetet sociale, dje aktivistja Evi Kokalari ka reaguar me tone të ashpra ndaj analistit Çim Peka, duke e akuzuar për hipokrizi dhe propagandë kundër drejtësisë. Ajo kritikon qëndrimet e tij ndaj SPAK, duke ironizuar faktin që i mbron politikanët e korruptuar, ndërsa organi i akuzës ka goditur emra të rëndësishëm të mazhorancës. Sipas saj, Syri.net është kthyer në një stacion dezinformimi që mbron të njëjtët që kanë shitur zgjedhjet dhe kanë negociuar me pushtetin. Kokalari mbron SPAK-un si institucionin më të rëndësishëm që ka lindur nga tranzicioni dhe thotë se drejtësia është më e fortë se propaganda. “Çim mençuria thotë se fajin e ka SPAK dhe se ajo u krijua që Rama të fitojë mandatin e katërt. Ndërkohë në paraburgim janë Veliaj, Meta dhe në kërkim  është Arben Ahmetaj, të gjithë socialist.
    Strategu Hasit realisht ka nevojë të jap dorëheqjen nga Syri dhe të zhduket nga skena se realisht na e keni shpifur me katunarizmat si në pamje ashtu dhe në logjikë. Për të mos thënë që ky vet ka negociuar Kullën e Malit me Veliajn dhe ishte pjesë e shitjes së zgjedhjeve të 2023. Sa të pafytyrë që jeni!! Shqiptarët s’janë budallenj dhe SPAK është e vetmja gjë pozitive që i ka ndodhur politikës Shqiptare këto 33 vite dhe së shpejti bën mirë ti hedh sytë dhe nga stacioni i propagandës dhe disinformimit të Shqiptarëve që është Syri”, nënvizoi dje aktivistja e njohur shqiptaro-amerikane, Evi Kokalari.
     

  • Pas zgjedhjeve telashe për Sali Berishën, ja dosjet stivë në SPAK që do të vulosin fatin e tij, nga afera…

    Pas zgjedhjeve telashe për Sali Berishën, ja dosjet stivë në SPAK që do të vulosin fatin e tij, nga afera…

    Elmas Bogdani
    Kreu i Partisë Demorkatike, Sali Berisha, dikur figura më e pushtetshme e tranzicionit shqiptar dhe “kalorës” i vetëshpallur i demokracisë, ndodhet sot në një nga momentet më të errëta dhe të rënda të karrierës dhe jetës së tij politike. Pas disfatës spektakolare që pësoi në zgjedhjet e 11 majit, ish-kryeministri pritet të përballet me një valë të re goditjesh nga drejtësia. Në zyrat e Prokurorisë së Posaçme janë stivuar tashmë disa dosje voluminoze, që e vendosin Berishën dhe familjen e tij në epiqendrën e akuzave më të rënda të korrupsionit dhe abuzimit me pushtetin në historinë e pluralizmit shqiptar. Hetimet përfshijnë një spektër të gjerë: nga aferat e pronave dhe pastrimit të parave, te korrupsioni i lartë shtetëror, nga përgjegjësia politike për vrasjet e bulevardit më 21 janar, te dosjet e vjetra të vrasjeve në Tropojë, si dhe tragjedia e Gërdecit që i mori jetën 26 personave, por edhe pazaret e pista me serbët. Gazeta “SOT” ka mësuar gjithashtu që në SPAK ditët në vijim pritet të dorëzohet edhe një kallëzim tjetër penal për implikimin e Sali Berishës në vdekjen e dyshimtë të Kosta Trebickës.
    Afera “Partizani” dhe akuza e parë e drejtpërdrejtë
    Më 19 maj pritet një nga momentet kyçe në përballjen e Berishës me drejtësinë. Gjyqtarja Flojera Davidhi do të vendosë nëse dosja për aferën e njohur si “Partizani” do të kalojë për gjykim, me të pandehur Berishën, dhëndrin Jamarbër Malltezi dhe disa bashkëpunëtorë të tjerë. Kjo do të jetë përballja e parë formale për Berishën si i akuzuar për korrupsion, ndërkohë që për momentin ndodhet nën masën “detyrim paraqitje”, ndërsa Malltezi vijon të hetohet në arrest shtëpie. Dosja voluminoze prej 500 faqesh detajon një seri pagesash të dyshimta dhe përfitimesh nga privatizimi i truallit të ish-klubit Partizani, në të cilin janë ndërtuar 19 kulla nga Malltezi, së bashku me kushëririn e tij dhe një ndërtues të njohur. Pagesa në miliona euro, përfshirë transferta në fondacionin e Liri Berishës, shuma për avokatë jashtë vendit dhe kontrata me kompani të lidhura me familjen Berisha janë vetëm një pjesë e asaj që SPAK e përshkruan si një strukturë të mirorganizuar për pastrim parash. SPAK shpreh qartë se Malltezi dhe bashkëshortja e tij Argita kanë shërbyer si “llogaria bankare” e Berishës, duke kanalizuar shumat e dyshimta në emër të tyre për të ruajtur imazhin publik të ish-kryeministrit si njeri i ndershëm. Në dokumentacionin e dorëzuar në gjykatë, SPAK pretendon se vetëm përmes kësaj afere janë arkëtuar mbi 4.6 milionë euro në dividentë, përfitime nga shitja e njësive tregtare dhe kontrata fiktive.
    Dosja e 21 Janarit dhe krimet e vjetra në Tropojë
    Përveç çështjeve ekonomike, Berisha përballet edhe me hetime për ngjarje tragjike që kanë tronditur opinionin publik. Mes tyre spikat masakra e 21 Janarit 2011, kur katër qytetarë u vranë në Bulevard nga Garda e Republikës. Deri më sot, drejtësia nuk ka arritur të identifikojë përgjegjësinë politike, por tani SPAK ka rimarrë dosjen dhe po heton që prej 2024 rolin e Berishës si urdhërues i heshtur i dhunës shtetërore. Po ashtu, janë rihapur edhe hetimet për një seri vrasjesh politike të ndodhura në Tropojë gjatë viteve ’90, ku familja Haklaj ka dorëzuar kallëzime të reja penale ndaj Berishës. Dëshmitë e Aishe, Shote dhe Vjollca Haklaj, të shoqëruara me orë të tëra deklarimesh dhe prova të dokumentuara, përshkruajnë një strukturë kriminale të ndërtuar nën patronazhin e shtetit të asaj kohe, ku krimi dhe politika ishin bërë një.
    Aferat me biznesmenët serbë dhe Porto Romano
    Një tjetër dosje e ndjeshme për Berishën ka të bëjë me marrëdhëniet e tij me biznesmenë serbë si Damir Fazlliç dhe Vojin Lazareviç. SPAK po heton një skemë të dyshuar për pastrim parash ku përmes VKM-ve të miratuara nga qeveria Berisha, janë favorizuar kompani të lidhura me interesat e familjes së tij. Veçanërisht spikat vendimi për zgjerimin e Parkut Energjitik të Porto Romanos, i cili përfshiu brenda perimetrit toka të blera më herët nga Malltezi dhe më pas të shitura me vlerë të shumëfishuar tek biznesmenët serbë. SPAK ka regjistruar prova për pagesa direkte ndaj familjarëve të Berishës si pjesë e këtij skenari.
    Dosja “Gërdeci” dhe hetimi ndaj Shkëlzenit
    Një dosje tjetër ku drejtësia ka intensifikuar hetimet është ajo e Gërdecit. Pas shpërthimit tragjik që mori 26 jetë në vitin 2008, SPAK po heton rolin e tij dhe Shkëlzen Berishës në ndërmjetësimin e kontratave të dyshimta dhe lidhjet e tij me biznesmenët që përfitonin nga demontimi i armëve. Hetimet janë zgjeruar, dhe burime të besueshme konfirmojnë se bashkëpunimi me autoritetet amerikane ka dhënë të dhëna të reja që e rëndojnë pozicionin e familjes së tij.
    Futja në lojë e SHBA
    Në gjithë këtë vorbull akuzash dhe hetimesh, një faktor i rëndësishëm mbetet edhe Shtetet e Bashkuara të Amerikës. Me shpalljen “non grata” nga Departamenti i Shtetit, Berisha u shndërrua në një simbol të korrupsionit politik në Shqipëri. Por duket se SHBA nuk po mjaftohet vetëm me këtë. Ata po ndjekin me vëmendje ecurinë e drejtësisë shqiptare dhe ka të ngjarë që presioni ndërkombëtar të luajë një rol vendimtar në epilogun e kësaj historie. Kjo u pa dhe në raportin e fundit të DASH, të cilët vlerësuan SPAK për akuzat që i bënë Sali Berishës. Ata e morën si shembull kreun e PD për pastrimin e parave. Gjithashtu, SPAK ka treguar se po bashkëpunon ngushtë me amerikanët për dosjet e hapura për familjen Berisha. Një nga ato është Gërdeci, ku djali i tij, Shkëlzeni, është një nga personat kyç që po hetohet. Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
     

  • Sali Berisha disfatë katastrofike bëhet realitet profecia e Yuri Kim që demokratët “do të hanë bar”, si bëri derman…

    Sali Berisha disfatë katastrofike bëhet realitet profecia e Yuri Kim që demokratët “do të hanë bar”, si bëri derman…

    Rezultatet e zgjedhjeve të 11 majit kanë sjellë një mesazh të qartë dhe të pamohueshëm: shqiptarët i dhanë sërish Edi Ramës një mandat të katërt, ndërkohë që Partia Demokratike nën drejtimin e Sali Berishës pësoi një humbje të thellë, pothuajse historike. Pavarësisht investimeve të mëdha financiare dhe përfshirjes së disa nga strategët më të fuqishëm të fushatave politike amerikane, shqiptarët nuk ia besuan fatet e vendit një njeriu të shpallur “non grata” nga SHBA për korrupsion madhor. Kjo disfatë nuk mund të mbulohet dot as me propagandë, as me fjalët e “aleancës amerikane” që Berisha u mundua të prezantojë si një kartë fituese. Dhe ndërsa PD përjeton një krizë të thellë elektorale, kryetari i saj, i cili e ka udhëhequr për dekada, nuk e pranon humbjen dhe nuk ka asnjë shenjë të reflektimit. Berisha vazhdon të qëndrojë në majën e një partie që po zhbëhet nga brenda.
    Profecia
    Në korrik të vitit 2021, ish-ambasadorja amerikane në Shqipëri, Yuri Kim, kishte bërë një paralajmërim të fortë që tani duket se ka qenë një parashikim i saktë. Ajo pati thënë: “Do të ishte një ironi historike, por edhe një tragjedi për vendin, nëse Partia Demokratike do të hante bar për hir të interesave të një njeriu,” duke iu referuar Sali Berishës, i cili pas shpalljes “non grata” nga SHBA u shndërrua në një peng të interesave personale. Kjo deklaratë ishte një apel për shpëtimin e PD-së nga ndikimi destruktiv i Berishës, por u sulmua ashpër opozita. Sot, me rezultatet e zgjedhjeve që flasin vetë, ajo deklaratë nuk është më një metaforë, por një realitet i hidhur dhe i dhimbshëm për demokratët. Pas largimit të administratës “Biden” dhe ardhjes së Donald Trump në krye të SHBA, televizioni i familjes Berisha e tallte Yuri Kim, duke e akuzuar se ajo që do të “hante bar” është ajo. Por sot, rezultatet e zgjedhjeve i kanë kthyer ato fjalë në një realitet të padiskutueshëm: jo vetëm që Partia Demokratike ka pësuar humbje, por mbështetësit e Berishës janë të detyruar të përballen me pasojat e këtij “bari”.
    Milionat e hedhura në fushatë
    Për të sfiduar Edi Ramën dhe për të rikthyer PD-në në pushtet, Sali Berisha investoi shuma të mëdha parash, duke i besuar fushatën e tij disa nga strategët më të njohur dhe më të fuqishëm të politikës amerikane. Ndër ta ishte Chris LaCivita, strategu kryesor i fushatës së Trump në SHBA, i njohur për stilin e tij agresiv dhe për ndihmën që i dha Trump për të ndërtuar imazhin e tij të fuqishëm gjatë fushatave zgjedhore. Gjithashtu, Berisha angazhoi Paul Manafort, një ish-këshilltar i Trump dhe një figurë e errët e botës politike amerikane, për të ndihmuar në strategjinë dhe reklamimin e PD-së.
    Sali Berisha dhe mbështetësit e tij investuan miliona dollarë për të sjellë këtë “magji” të politikës amerikane në Shqipëri. Firma lobuese “Continental Strategy” u angazhua për të lobuar në Shtetet e Bashkuara dhe për të ndihmuar Berishën të heqë sanksionet e vendosura ndaj tij. Buxheti i fushatës, i cili përfshinte këto investime dhe shpenzime të tjera të mëdha, ka arritur shifra që llogariten në disa miliona dollarë. Por asnjëra nga këto shpenzime nuk e shpëtoi Berishën nga humbja e thellë që ai ka përjetuar. As “strategjia amerikane”, as imitimi i stilit të Trump, nuk mundën të bindin shqiptarët të ndryshonin mendim dhe të ndihmonin në ringjalljen e PD-së.
    Dorëheqja
    Pas një humbjeje katasfrofale dhe një refuzimi të qartë nga populli shqiptar, shumëkush priste një akt burrëror nga Sali Berisha. Një reflektim të thellë, një hap mbrapa që do të tregonte se lideri i PD-së kishte kuptuar humbjen dhe ishte i gatshëm të mbështeste një ndryshim të vërtetë brenda partisë. Por kjo nuk ka ndodhur. Sali Berisha ka vendosur të mos japë dorëheqje dhe të mos tërhiqet nga udhëheqja e PD-së, as tani që gjithçka është e qartë. Ai vazhdon të qëndrojë në krye të një partie që po shkatërrohet nga brenda, duke u përpjekur të mbajë një timon të thyer dhe një anije që po fundoset. Për demokratët, kjo është një tragjedi e vërtetë. Ata janë të detyruar të vazhdojnë të “hanë bar”, ashtu siç parashikoi Yuri Kim, dhe të mbajnë në krye një lider që është refuzuar në mënyrë masive nga populli shqiptar.