Analisti Frrok Çupi për retorikat e Kryeministrit Edi Rama ku i quajti burrat çyrykë dhe ata që votojnë për Partinë Demokratike si autikë si dhe spotet e diskutueshme elektorale, i cilëson si çmenduri fushate. Ai tha se Kryeministri Edi Rama ka zgjedhur të flasë me gjuhën e popullit në fushatë.
Etiketimin e burrave çyrykë e kam parë në një mënyrë shumë ndryshe, ishte një pjesë e kulturës së komunikimit, por sidomos në jug dhe në veri, është përdorur për vese. Futet në radhët e autoironive dhe autoironitë janë shpëtimtare për tensionet, konfliktet. Ai po përkëdhelte gratë dhe unë nuk kam parë burra normalë që shajnë gratë. Është autoironik para gruas. Rama po merrej me burrat, po fliste me gratë në mënyrë elegante dhe nuk ka pasur asnjë gjë tjetër.
Nuk ishte e nevojshme që Rama të kërkonte ndjesë, se studimet tregojnë se 70-80% e njerëzve janë me elementë autikë. Vetë autikët e dinë që janë autikë dhe thonë autikë. Rama ka zgjedhur të flasë me gjuhën e popullit në fushatë. Ndërsa sa i takon spoteve elektorale në fushata elektorale, Çupi tha se nervozizmi prej listave të hapura çon në një luftë të çmendur elektorale. Ndër të tjera shtoi projeksionet e deritanishme e nxjerrin shumë lartë fituese Partinë Socialiste dhe Edi Ramën Kryeministër.
Ai deklaroi se është hera e parë që një Kryeministër edhe pse ka mbi 12 vite në qeveri del me këtë rezultat. Po ndodh për herë të parë që një parti politike po qeveris e vetme për të tretën herë në një vend si Shqipëria. Dhe është i vetmi rast që partia që e ka origjinën e vetë te Partia e Punës, më në fund bëhet iniciatorë dhe guximtare për ta çuar Shqipërinë në Bashkimin Europian
Tag: autikë
-
Retorika në fushatë/ Analisti Çupi: Rama ka zgjedhur të flasë me gjuhën e popullit në fushatë
-
Sot Dita Botërore e Ndërgjegjësimit për Autizmin
Sot është Dita Botërore e Ndërgjegjësimit për Autizmin. Që kur Asambleja e Përgjithshme e Kombeve të Bashkuara caktoi 2 Prillin si Ditën Botërore të Ndërgjegjësimit për Autizmin (WAAD) në 2007, OKB-ja ka punuar për të promovuar realizimin e plotë të të drejtave të njeriut dhe lirive themelore për individët autikë, duke siguruar pjesëmarrjen e tyre të barabartë në shoqëri.
Rezoluta e vitit 2007 theksoi nevojën për të rritur ndërgjegjësimin e publikut për autizmin. Sot, më shumë se 17 vjet më vonë, lëvizja globale është zgjeruar përtej vetëdijes për të promovuar në mënyrë aktive pranimin, vlerësimin dhe përfshirjen, duke njohur kontributin që njerëzit autikë japin për komunitetet e tyre dhe botën në përgjithësi.
Gjatë kësaj dite promovohet kërkimi shkencor mbi këtë diagnozë, duke kundërshtuar diskriminimin dhe izolimin që përjetojnë ende shumë individë autikë si dhe familjet e tyre.
Tema e aktiviteteve për këtë vit është: “Përparimi i Neurodiversitetit dhe Objektivat e Zhvillimit të Qëndrueshëm të OKB-së”, duke bërë bashkë ekspertë globalë, politikëbërës dhe zëra autikë. Diskutimet fokusohen në kujdesin shëndetësor gjithëpërfshirës, arsimin cilësor, aksesin në vendin e punës, reduktimin e pabarazive dhe projektimin e qyteteve d